Қазақстанда былғары өнімдері өндірісі 36% ға өсті

2026 жылдың қаңтар-мамыр айларында Қазақстанда былғары және былғарыдан жасалған өнімдер өндірісі өткен жылдың сәйкес кезеңімен салыстырғанда 36%-ға артты. Бұл туралы QazIndustry хабарлады.

Өсім жолға арналған бұйымдар мен ер-тұрман өндірісінде – 47,6%, аяқ киім шығаруда – 39,9%, ал былғарыны илеу және өңдеуде 27,3% болды.

Өндіріс көлемі бойынша Алматы облысы (2,4 млрд теңге), Алматы қаласы (967,6 млн теңге) және Жамбыл облысы (776,8 млн теңге) көш бастап тұр. Саладағы ірі кәсіпорындардың қатарында «СпецОбувьТорг», «Zhamal-Ai Ltd», «ТаразКожОбувь», «Samhat аяқ киім фабрикасы», «Nappa KZ», «Almaty Tannery+» және «Семей аяқ киім фабрикасы» бар.