Қазақстанда интернетте дәрі дәрмек сату ережелерін өзгертпекші

Қазақстанда рецептпен берілетін препараттарды онлайн-алаңдар мен маркетплейстерде сатуға тыйым салынуы мүмкін, деп хабарлайды TengriHealth.

Қазақстанда рецептпен берілетін препараттарды онлайн-алаңдар мен маркетплейстерде сатуға тыйым салынуы мүмкін, деп хабарлайды TengriHealth.

Денсаулық сақтау министрлігі медициналық және фармацевтикалық бақылау комитетінің төрағасы Бауыржан Жүсіпов бізге қазір сарапшылар заңға рецептпен берілетін дәрі-дәрмекті онлайн сатуға тыйым салуды көздейтін түзетулер енгізу бойынша жұмыс істеп жатқанын айтты.

"Біз бұл нормаға бастамашы болып, оны Мәжілісте талқыладық - қазір ол пысықталып жатыр. Оның қабылданатын-қабылданбайтынын әзірге нақты айта алмаймыз. Бірақ кез келген жағдайда бұл түзетулер қажет, өйткені қазір рецептпен берілетін препараттардың электронды дәріханалар мен маркетплейстер арқылы сатылуын бақылау өте қиын", - деп түсіндірді Жүсіпов.

Комитет басшысы Қазақстанда әзірге рецептпен берілетін препараттардың интернет арқылы сатылуының заңдылығын қадағалауға мүмкіндік беретін тетік жоқ екенін айтты. Оларды қанша адам дәрігердің нұсқауынсыз сатып алып жатқаны белгісіз.

"Біздің міндеттеріміздің бірі - электронды рецепттерді енгізу. Бұл дәрі-дәрмектердің онлайн нарығын ашық ете түседі. Бірақ интернет-алаңдар мен маркетплейстерде препараттардың өте көп мөлшері сатылатынын ескерсек, олардың өткізілу заңдылығын бақылау бәрібір өте қиын болады", - деп толықтырды спикер.

Сөз болып отырған заңға түзетулер қазір пысықталып жатыр. Бұл норманың нақты қашан енгізілетіні әзірге белгісіз.

Бұған дейін БАД-тар жаңа ереже бойынша сатыла бастайтынын жазған болатынбыз.

Следите за нашими новостями в Google News