Қазақстандағы Qalqan: емханалар қосылды, жүйені цифрландыру жүріп жатыр

Қазақстанда медицинаны қаржыландыру жүйесінің ашықтығын арттыруға бағытталған "Qalqan" цифрлық платформасын енгізу жұмыстары жалғасып жатыр. Бүгінде оған еліміздің барлық медициналық ұйымы, атап айтқанда 1700-ден астам емхана мен бес мыңға жуық қосалқы орындаушы қосылды, деп хабарлайды TengriHealth Әлеуметтік медициналық сақтандыру қорына сілтеме жасап.

Қазақстанда медицинаны қаржыландыру жүйесінің ашықтығын арттыруға бағытталған "Qalqan" цифрлық платформасын енгізу жұмыстары жалғасып жатыр. Бүгінде оған еліміздің барлық медициналық ұйымы, атап айтқанда 1700-ден астам емхана мен бес мыңға жуық қосалқы орындаушы қосылды, деп хабарлайды TengriHealth Әлеуметтік медициналық сақтандыру қорына сілтеме жасап.

Платформа 2026 жылғы 16 наурызда пилоттық режимде іске қосылды. Әлеуметтік медициналық сақтандыру қорының мәліметіннше, қазір жұмыс цифрландыру сатысында тұр. Барлық клиника өз лицензиялары, инфрақұрылымы және басқа да ресурстары туралы тексерілген мәліметтерді жүйеге енгізіп жатыр, бұл еліміздегі медициналық қызмет берушілердің алғашқы бірыңғай базасын қалыптастырады.

Платформаның негізгі құралдарының бірі медициналық көмек көрсетілгенін QR-код арқылы растау болмақ.

"Медициналық қызметтерді іс жүзінде орындамай, қағаз жүзінде жазып қоюмен күресу үшін көмек көрсету фактісін QR-код арқылы растау механизмі енгізіліп жатыр. Бұл ретте eGov және екінші деңгейлі банктердің үйреншікті инфрақұрылымы пайдаланылады, бұл қосымша жүктемесіз құралдың жаппай қолданылуын қамтамасыз етеді", - делінген хабарламада.

Платформа тікелей медициналық ақпараттық жүйелерге қосылады. Қазір тестілеу кезеңі аяқталып қалды, содан кейін Qalqan бастапқы деректерді тікелей ала алады.

Сонымен қатар медициналық ұйымдардың ішкі бухгалтерлік жүйелері қосылып жатыр.

"Осы деректер негізінде автоматтандырылған "тарифтік экономика" блогы әрбір медициналық қызметтің нақты өзіндік құнын есептейді", - деп атап өтті баспасөз қызметі.

Қор өкілдері Qalqan платформасын енгізу медицинадағы қаржылық бақылауды барынша ашық ететінін атап өтті - мемлекет, клиникалар мен пациенттер денсаулық сақтау жүйесіндегі қаражаттың қалай жұмсалып жатқанын көре алады.

10 ақпанда өткен Үкімет отырысында Қасым-Жомарт Тоқаев "денсаулық сақтау жүйесінде 30-дан астам шашыраңқы ақпараттық жүйе жұмыс істейтінін, бірақ олардың әлі де толық интеграцияланбағанын" айтты. Президенттің сөзінше, бұл бюджет қаражатын жұмсау кезіндегі теріс пайдаланудың бір себебіне айналды.

Бір айдан кейін, 19 наурызда Әлеуметтік медициналық сақтандыру қорының (ӘМСҚ) басшысы Гүлмира Сәбденбек қолданыстағы медициналық сақтандыру жүйесіне жасалған талдау нәтижелерін жариялап, МӘМС 2.0 жаңа моделін таныстырды.

Маңызды жаңалықтардың бірі "қаржыландыру процестерін толық цифрландыруды және медициналық ақпараттық жүйелермен интеграцияны қамтамасыз етуі тиіс" Qalqan платформасы.

Бұған дейін Qalqan платформасының функциялары және пациенттер ол туралы не білу керектігі жайлы жазған болатынбыз. Толығырақ мына жерден оқыңыз: осы жерден.

Тағы оқыңыз:

“Лафа бітті“. МӘМСҚ-ның жаңа басшысымен көлемді сұхбат

Қазақстанда емханаға тіркелу ережелері қалай өзгереді - толығырақ

Google News арқылы жаңалықтарымызды қадағалаңыз

реформа

дәрігерлер

науқастар

Денсаулық сақтау министрлігі