Қазақстанның жаһандық жетістігі: 100 мемлекеттің ішінде 34 орын

Қазақстан World Population Review статистикалық платформасы жариялаған Most Powerful Countries 2026 рейтингінде 100 мемлекеттің арасында 34-орынға ие болды.

Рейтингке сәйкес, Қазақстан Мысыр, Дания, Біріккен Араб Әмірліктері, Оңтүстік Африка Республикасы, Норвегия, Сауд Арабиясы, Пәкістан және Ираннан жоғары орналасты.

Посткеңестік мемлекеттер арасында Қазақстан тек 11-орынға жайғасқан Ресейден кейін тұр. Украина 51-орында, Литва — 56-орында, Беларусь — 57-орында, Өзбекстан — 71-орында, Латвия — 74-орында, Эстония — 75-орында, Армения — 80-орында, Грузия 91-орында орналасқан.

Рейтингтің алғашқы үштігіне Қытай, АҚШ және Үндістан кірді. Одан кейін Германия, Жапония, Оңтүстік Корея, Франция, Ұлыбритания, Мексика және Италия тұр.

World Population Review мәліметінше, рейтинг Power Rank (US News) көрсеткішіне негізделген. Елдің қуатын бағалау кезінде әскери әлеуеті, экономикалық және саяси ықпалы, халықаралық одақтары мен көшбасшылық рөлі ескеріледі. Платформаның түсіндіруінше, бастапқы рейтингті U.S. News & World Report басылымы BAV Group және Wharton School ұйымдарымен бірлесіп жасайды.

Осылайша, Қазақстанның 34-орынға ие болуы ел экономикасының көлемі мен әскери әлеуетін ғана емес, сонымен қатар оның халықаралық аренадағы ықпалына қатысты жалпы бағалауды да көрсетеді.

Бүгін, 11:53