Қостанайда аймақтық жас патриоттар форумы өтті

Бұл жолғы жалынды жастар жиынының тақырыбы жұмысшы мамандықтар жылымен ұштасты.

"Ел тірегі- еңбек адамы" деген атаумен өткен форумда адал еңбегімен абырой биігінен көрінген бірқатарға азаматтарға құрмет көрсетілді.

Қостанай облысында адал еңбегімен абыройға бөленіп жүрген қарапайым еңбек адамдары аз емес.Солардың бірі Кәкімжановтар әулеті. Атакәсіпті атадан балаға мирас еткен отбасының мүшесі Шыңғыс Кәкімжанов биыл механикаландыру құзыреті бойынша студенттер арасындағы республикалық байқауда жеңімпаз атанды. Осындай жетістіктері үшін әкелі-балалы Мадияр мен Шыңғыс арнайы марапатқа ие болды. 

Мадияр Кәкімжанов, шаруа қожалығының басшысы:

- Өз жеке кәсібімді мал шарауашылығын ашып, осы күнге дейін жұмыс істеп келемін. Шөп шабу, мал ұстау, егін егуге шығып, мен, әкем, інім, ұлым мынау Шыңғыс сол өзіміз семьямен жұмыс істеп келеміз.

Патриоттар форуымына арнайы келген Мәжіліс депутаты Олжас Құспеков жастар алдында сөз сөйлеп, өз өмірінен сыр шертті. Кезінде өзі де колледж бітіріп, еңбек жолын жұмысшы мамандықтан бастағандығын айтты. Қазір де жастарға мүмкіндік мол-дейді. 

Олжас Құспеков, ҚР Парламенті Мәжілісінің депутаты:

- Қостанай индустриясы дамыған аймақтардың бірі ғой. Сондықтан сол экономикалық жаһандық жарыста осындай мықты аймақтардың дамуы, жаңағы сол аймақтада еңбек адамына бөлінген назар, ертең сол жұмысшыларды нарықта жақсылап қамтамасыз етуге септігін тигізеді.

Осы форум аясында Мәжіліс депутаты Олжас Құспеков WorldSkills Kazakhstan (ВОРЛДСКИЛЗ Қазақстан) республикалық чемпионатына қатысушылармен кездесіп, оларға сәттілік тіледі. 

Мағауия Қалиев, Сергей Трахтенберг