Қостанайда жолдан адасып, беліне дейін қарға батқан ер адам табылды

Ер адамның жоғалғаны туралы алаңдаған туыстары хабарлаған. Анықталғандай, ол алдыңғы күні Евгеньевка ауылынан Рудный қаласына қарай жаяу шыққан, алайда жолда бағытынан жаңылып, адасып кеткен. Жоғалған азаматтың ұялы телефоны болғаны жағдайды жеңілдетті — ол құтқарушылармен байланыста болып, тұрған жерін сипаттап берді.

Ер адамның қолында ұялы телефон болған. Ол құтқарушылармен байланыста болып, аумақты сипаттап, іздеу жұмыстарын айтарлықтай жеңілдетті.

Жедел іздеу жұмыстарына ТЖД қызметкерлері, полиция және туыстары қатысты. Іздеу тобының үйлесімді әрекеттерінің нәтижесінде ер адам Белозерка ауылынан 6 шақырым қашықтықтағы далада қарға беліне дейін батқан, әрі тоңған күйде табылды.

Еске салайық, Батыс Қазақстан облысында 9 жастағы бала екі інісін өрттен құтқарған болатын.