Құрылтайдың алғашқы отырысы өтті

Құрылтай құрамына бес сая­си партия – «Әділет», «Ауыл», Res­publica, «Ақ жол» және ЖСДП партияларынан 145 депутат енді.

Отырыс депутаттардың Қа­зақстан халқына ант беруінен басталды.

«Қазақстан Республикасы­ның Құрылтайы және оның депутат­тарының мәртебесі ту­ралы» Конс­титуциялық заңның 11-ба­бына сәйкес Мемлекет басшысы Құрылтай Төрағасы лауазымына кандидатура ұсын­ды. Тікелей жасырын дауыс беру арқылы де­путаттардың көпшілік дауысымен Құрылтай Төрағасы болып Айбек Дәдебай сайланды.

Құрылтайдың сайланған Спи­кері Мемлекет басшысына көр­сет­кен жоғары сенімі үшін және қолдау білдіргені үшін бар­лық депутаттарға алғыс айтты.

– Президентіміз бүгін ал­дағы жұмыс бағытымызды және нақты міндеттерді айқындап берді. Елі­мізде жүзеге асып жат­қан рефор­малар ауқымы бізден байыпты шешімдер мен кәсіп­қойлықты және қажырлы ең­бекті талап ете­ді. Бұл ретте әр заң мен шешімнің артында нақ­ты мақсат тұр. Ол – еліміздің одан әрі дамуын қам­тамасыз ету, мемлекеттілігімізді нығайту және азаматтарымыздың әл-ауқатын арттыру. Бұл жұмыс­тың негізінде бүкілхалықтық қол­дауға ие болған жаңа Конс­титу­цияның құндылықтары мен қа­ғи­даттары жатуға тиіс. Біздің бас­ты міндетіміз – оң өзгеріс­тер­дің нәтижесі халықтың ­күн­делікті өмірінен көрініс таба­тын, Заң мен Тәртіп қо­ғамның мызғымас негі­зіне ай­налған Әді­летті Қазақ­станды құру жо­лындағы бірлескен жұмысты жалғастыру, – деді Айбек Дәдебай.

Сондай-ақ ол халықтың сенімі депутаттық корпустың жұмысын­дағы басты бағдар және нәтиже­лерді бағалаудың негізгі өлшемі болуға тиіс екенін атап өтті. Бұл ретте Құрылтай елімізді одан әрі жаңғыртуға тың серпін беретін, конс­трук­тивті қоғамдық диалогқа жол ашатын және заманауи сын-қатерлерге лайықты жауап ұсы­нуға мүмкіндік беретін алаңға айналады.

Отырыс барысында Құрыл­тай Төрағасының орынбасар­лары да анықталды – Нұрлан Бекназаров, Дания Еспаева және Динара Зә­киева. Олардың кандидату­ра­сы да дауыс беру кезінде қолдау тапты.

Құрылтайда сегіз тұрақты ко­митет құрылды. «Қазақстан Рес­публикасының Құрылтайы және оның депутаттарының мәр­тебесі туралы» Конс­титу­ция­лық заңның 36-бабына сәй­кес коми­теттердің бірінің төр­аға­сы Құрыл­тайдағы оппозиция атынан ұсы­ныл­ған депутат­тар­дың арасынан сайла­нады.

Осылайша: Серік Егізбаев – Аграрлық мәселелер, экология және табиғи ре­сурстар коми­те­тінің (Құрыл­тайдағы оппозиция атынан ұсы­ныл­ған депутаттар­дың ара­сы­нан);

Үнзила Шапақ – Конститу­ция­лық заңнама, сот жүйесі және құқық қорғау органдары комите­тінің;

Марат Қожаев – Халықара­лық істер, қорғаныс және қауіп­сіздік комитетінің;

Әмірбек Оспанбеков – Өңір­лік және инфрақұ­ры­лым­дық даму комитетінің;

Асхат Аймағамбетов – Әлеу­меттік-мәдени даму коми­те­тінің;

Ольга Перепечина – Қаржы және бюджет комитетінің;

Дархан Ахмедиев – Цифр­ландыру, инновациялар және ғылым комитетінің;

Наталья Годунова – Эко­номикалық саясат, өнеркәсіп және энергетика комитетінің төрағасы болып сайланды.