Ризабек бар ма? Әлем чемпионатына баратын балуандар белгілі болды

Еркін күрестен Нови-Садта (Сербия) өтетін әлем чемпионатына қатысатын Қазақстан жастар құрамы жарияланды, - деп хабарлайды ҚР ҰОК. 

Биылғы жастар арасындағы әлем чемпионатында Қазақстан намысын он балуан қорғайды. 

Құрамда әйгілі қазақстандық балуан Ризабек Айтмұхан да бар. Ол 2023 жылдың ақпан айында, бар болғаны 18 жасында, ересектер арасындағы Қазақстан чемпионы атанған болатын. Сол жылы қыркүйекте Ризабек еліміздің тарихында алғаш рет еркін күрестен әлем чемпионы атағын жеңіп алды. Сондай-ақ ол 2023, 2024 және 2025 жылдары өткен Азия чемпионаттарының үш дүркін күміс жүлдегері.

2025 жылғы жастар арасындағы әлем чемпионатына қатысатын Қазақстан құрамасы:

57 кг — Жахонгир Ахмаджанов
61 кг — Мерей Базарбаев
65 кг — Рүстем Төлеген
70 кг — Майыс Әлиев
74 кг — Диас Сағдатов
79 кг — Ерхан Әбіл
86 кг — Мұханбет Мамбеков
92 кг — Айбек Айтбеков
97 кг — Ризабек Айтмұхан
125 кг — Бауыржан Сәветов

Жастар арасындағы әлем чемпионаты 20–27 қазан аралығында өтеді.

Vesti.kz сайтын осы әлеуметтік желілерінде оқыңыздар

Vesti-де Tik Tok та бар @vestikzsport