Сабақтастықты айшықтаған іргелі қадам

Көшпелі өркениеттің құқық­тық дәстүрі елдің бірлігі мен жер­дің тұтастығын, ар мен на­мыс­ты, адам мен қоғам арасын­дағы жауапкершілікті реттеген дала заңдарымен бекіді. Қазақ қоғамында ел тағдыры елмен ақылдасып сараланды. Билердің сөзі тыңдалды. Даулы мәселе бітіммен шешілді. Көптің пікірі ескерілді. Сондықтан қазақ үшін «Құрылтай» деген сөздің қадірі де, қасиеті де бөлек. 

Бүгін біз осы тарихи ұғымның жаңа дәуірдегі мазмұнына куә болып отырмыз. Жаңа Консти­туция еліміздің саяси жүйесіне жаңа кезеңнің негізін қалап бер­ді. Еліміздегі жоғары заң шы­ға­рушы өкілетті органның Құрыл­тай деп аталуы ұлттық мем­ле­кет­тілік дәстүрі мен қазіргі заманғы саяси институттардың сабақтастығын айшықтаған іргелі қадам болды. 

Елдің жаңа саяси бағдарын түзген жаңа Конституция тек құқықтық нормалардың жиын­тығынан тұрмайды. Ата заң аза­мат пен мемлекеттің өзара жа­уап­кершілігін жаңа деңгейге кө­теретін қоғамдық келісімнің жаңа мазмұнын бекітті. Құрыл­тай сол келісімнің саяси мінбері міндетін атқарады. Сондықтан бүгінгі Құрылтайдың алдында тұрған міндет те айқын. Ол – ха­лықтың сенімін ақтау, қоғамның мәселесін білу, заң шығару дең­гейін көтеру. Ең бастысы, қабыл­данған шешімдердің халықтың күнделікті өмірінен көрінуін қамтамасыз ету.

Осы тарихи кезеңде «Әділет» партиясының да орны ерекше екенін атап өтуіміз қажет. «Әді­лет» – қалыптасқан саяси жүйеге жаңа көзқарас алып келген жаңа буын партиясы. Жаңа буын пар­тиясы дегеніміз жаңа есімдер ғана емес. Партия тізімімен де­путат атанғандардың қатарында Ұлттық Құрылтайдың бұрынғы 13 мүшесі, бұрынғы Парламентте депутаттық тәжірибесі бар 24 адам бар. Сонымен қатар 10 адам Президенттік жастар кадр резер­вінің, төртеуі Президент жанын­дағы Жастар саясаты жөніндегі кеңестің, бесеуі Президент жа­нындағы Әйелдер істері және отбасылық-демографиялық сая­сат жөніндегі ұлттық комиссия­ның мүшесі. Тағы 26 адам бұрын мәслихат депутаты болған. Ең­бек ету саласына қарай 3 эколог, 2 волонтерлік қозғалыс өкілі және IT саласының 4 маманы ен­ген. Мұның барлығы жаңа Пар­ламенттің мықты кадрлық құраммен жарақтанғанын көр­сетеді. 

Кешегі сайлау алдындағы бір ай ішінде біз Түркістан облысы­ның барлық 17 аудан, қаласын араладық. Әр ауданның ерекше­ліктерін көзімізбен көрдік, қа­ғазға түртіп алған мәселелер де жетерлік. Ауылдарға бардық, ди­қандармен, кәсіпкерлермен сөйлестік, мұғалімдермен кез­дестік, дәрігерлердің мәселесін тыңдадық, жастардың талабын естідік. Спортшылармен, өндіріс өкілдерімен, әлеуметтік сала мамандарымен, мүмкіндігі шек­теулі азаматтармен, қарапайым тұрғындармен жүздестік. Сол кездесулердің барлығында бір нәрсе анық байқалды. Халықтың талабы аса көп емес. Халық әді­летті қоғамды қалайды, еңбегінің әділ бағалануын сұрайды. Заң­ның бәріне бірдей болғанын, мем­лекеттік институттардың тиім­ді жұмыс істегенін талап етеді.

Сайлауда жеңіске жету «Әді­лет» партиясы үшін соңғы меже емес. Еліміз бойынша 9 351 539 азамат сайлауда дауыс берген болса, соның 1 109 975-і Түркіс­тан облысынан екен. Облыс сайлаушыларының 92 пайыздан аса сайлаушысы қатысып, оның 887 905-і немесе 79,99 пайызы «Әділет» партиясын қолдады. 

Сайлау науқанының аяқта­луы біздің жұмысымыздың соңы емес. Керісінше, жаңа саяси бетбұрыстар халық алдында есеп беретін жаңа кезеңнің басталуын білдіреді. Ендігі міндет – айтыл­ған уәдені орындау, көтерілген мәселелерді назардан тыс қал­дырмау және сенімді нақты іспен ақтау.

Қалыйма ЖАНТӨРЕЕВА, 

«Әділет» партиясы Түркістан облыстық

филиалы төрағасының орынбасары