Сана тазармай, дала тазармайды

Тым науқаншылмыз. Аптасына бір сенбілікке шығып, айналадағы қоқысты тазалағанымызбен, жер әлем жасарып, жайнамайды. Сана тазармай, дала тазармайды. Бұл – өскемендік эко белсенді Ясса Тәңірдің пікірі. Табиғатқа бейжай қарамайтын жас жігіттің ұстанымы нық, бағыты айқын.

– Бізге қоқыстың шашылып жатуы қалыпты жағдайға айналып, санаға сіңген. Көктемде сенбілікке шығамыз. Мәре-сәре болып оны тазалаймыз. Иә, қар астынан қалдықтардың қарауыта бастағанына көз үйренген. Ал өркениетті елдерде пластик бөтелке мен полиэтилен пакеттер – баға жетпес шикізат, таптырмас энергия көзі. Шындықты айтайын, бізге науқандық сенбілік емес, қоқысты толыққанды сұрыптау мен қайта өңдеу жүйесі қажет. «Таза Қазақстан» дегеніміз сол болар еді, – дейді Ясса.

Жас та болса, игі іске бас болып жүрген жігіт басқа да белсенділермен бірлесе тазалық жұмысын ұйымдастырады. Ол біреуге міндет артып, техника сұрамайды, өз жұмысын жарқыратып әлем желіге көрсете де бермейді. Үндемей жүріп үлкен іс тындырып жүр. Ұсыныс-пікіріне құлақ түре отырып, зауыт салуға не кедергі деп сұрадым.

– Қоқыс өңдейтін технология бар, ниет те жоқ емес. Тек билік тарапынан нақты тетіктер, «Даму» немесе «Атамекен» қоры арқылы жеңілдетілген несиелер мен инвесторларға жасалатын жағдай жетіспейді. Шикізат халықтың қолында, тек соны жүйелі арнаға түсіретін саяси ерік пен кәсіпкерлік белсенділік керек, – дейді кейіпкеріміз.

Өзінің тың идеясы мен азаматтық ұстанымы бар жігіттің айтуынша, баланы жөргектегі кезінен бастап табиғатты аялауға, отансүйгіштікке баулымасақ, ертең кеш болады. Ал санаға сөз қонбаса, заң сөйлеуге тиіс деп есептейді.

– Тәртіпке бағынғысы келмегенге айыппұлдан басқа ем жоқ. Камераларды көбейтіп, профилактиканы күшейту – қоғамды сауықтырудың бір жолы. Жақсы сөзбен ұқпағанды заңның темірдей тәртібі түзетеді. Әлбетте, заң жалпыға бірдей әрекет етуге тиіс, – дейді Я.Тәңір.

Ясса тек сенбіліктерде емес, жалпы қоғамда белсенді. Ол құрған «Церо» қоғамдық бірлестігінің жұмысы құр ұран ғана емес. Олардың әр қадамы ғылыми зерттеуге сүйенеді. Мәселен, айта-айта жауыр болған Өскемендегі көк түтіннің баст­ы себебі тек зауыттар емес, көліктерден көтерілген ұсақ дисперсті шаң мен жеке сектордың түтіні екенін тәуелсіз сараптамадан өткізіп дәлелдеп берді.

Халықаралық ынтымақтастық танытып, шетелдік волонтерлермен де селбесіп жұмыс істеседі. Ресейлік волонтер Алексей Сибирскиймен бірлесе отырып, кейінгі екі жылда Шығыс пен Солтүстік Қазақстан өңірлерінде 150 мыңнан аса ағаш егуге атсалысты. Бұл – қағаз бетіндегі есеп емес, болашақ ұрпақтың тынысы, таза ауасы.

– Әкімдікте де жалынды жастар аз емес. Бүгінде мемлекет пен волонтерлер арасында сындарлы диалог орнаған. Техникалық қолдау, құрал-сайман, ақпараттық демеу бағытында мемлекеттік қолдаудың шеті көрініп келеді, – деп мемлекеттен көрсетілетін қолдауды да атап өтті ол.

Алайда ең басты мәселе – бейжайлық. Әрбір азамат өз ауласының тазалығына өзі жауапты екенін сезінгенде ғана экологиялық дағдарысты жеңуге болады. Тазалық табалдырықтан емес, әр адамның ішкі мәдениеті мен санасынан басталады.

Шығыс Қазақстан облысы

Соңғы жаңалықтар

Несие – несібе емес

Несие • Бүгін, 08:10

Жолаушы қауіпсіздігі – жауапты міндет

Қоғам • Бүгін, 08:05

Анас Баққожаев: Заң жобасы жауапкершілікке негізделген

Сұхбат • Бүгін, 08:00

Қаржы ұйымымен келелі келіссөз

Саясат • Бүгін, 07:55

Бейбітшілікке үндеген жаһандық саммит

Саясат • Бүгін, 07:50

Кекілбаев тұлғасына арналған кітап

Қоғам • Бүгін, 07:48

Халықаралық шарт пен келісім мақұлданды

Саясат • Бүгін, 07:45

Штутгарттағы сәтті старт: Елена Рыбакина келесі кезеңге өтті

Теннис • Кеше

Күшті үйлестіру – озық тәжірибе

Аймақтар • Кеше

Бір кәуап – 950 мың теңге: Бразилияда туристерді алдаған топ ұсталды

Әлем • Кеше

Ұландықтар баланы ажалдан аман алып қалды

Қоғам • Кеше

Бекзат Алмаханның UFC-дегі қарсыласы анықталды

Спорт • Кеше

«Әділет» партиясын құруға ресми қадам жасалды

Саясат • Кеше

Президент «Ялла» ансамблінің көркемдік жетекшісі Фаррух Закировке құттықтау жеделхатын жолдады

Президент • Кеше

Бибісара Асаубаева көш басына шықты

Шахмат • Кеше

Барлық жаңалықтар