ШҚО да су тасқыны кезеңіне жоғары дайындық режимі енгізілді

Ықтимал төтенше жағдайлардың алдын алу және жедел әрекет ету үшін азаматтық қорғау қызметтерінің шамамен 3700 маманнан құралған күші әзірленді. Дайындық шаралары шеңберінде 240-қа жуық мотопомпа, құтқару бөлімшелері мен жергілікті атқарушы органдарға тиесілі 75 жүзу құралы және 500-ден астам арнайы техника сақадай сай тұр.

Сонымен қатар 58,7 мың қап, 9957 тонна инертті материал және 386 тоннадан астам жанар-жағармай қоры жасақталған. Қазіргі таңда елді мекендер аумағынан 258 мың текше метрден астам қар шығарылды.

Өзен-көлдердегі ахуал тұрақты бақылауға алынып, тәулік бойы мониторинг жүргізіліп отыр.

Төтенше жағдайлар министрлігі тұрғындарды көктемгі су тасқынына алдын ала дайындалуға шақырады. Мамандар ауланы қардан тазалап, арықтар мен су өткізу арналарының мұзын уақтылы тазалауды ұсынады. Бұл еріген судың кедергісіз ағуына мүмкіндік береді.

Төтенше жағдай туындағанда 112 бірыңғай нөміріне хабарласу қажет. 

Айта кетелік Шығыс Қазақстанда қар көшкіні түсірілілген еді.