Таиландта катер апатқа ұшырады: зардап шеккендер арасында қазақстандықтар бар

АСТАНА, 13 қаңтар – Sputnik. Таиландта балық аулау траулерімен соқтысқан катерде 8 Қазақстан азаматы болған. Бұл туралы Сыртқы істер министрлігі хабарлады.

Саяхаттау қайығы балық аулау кемесімен соқтығысқан. Бортта 55 адам болған, оның сегізі Қазақстан азаматы.

"Зардап шеккендердің барлығына медициналық көмек көрсетілді. Үш қазақстандық ауруханаға жатқызылды, олардың жағдайы тұрақты, шығынды сақтандыру компаниясы өтейді", - деп жазылған хабарламада.

Ведомствоның мәліметінше консул тұрақты байланыста болып, қажет болған жағдайда қолдау көрсетіп отыр.

Еске сала кетейік, бұған дейін Сыртқы істер министрлігі мәлімет тексеріліп жатқанын, әзірге Қазақстан азаматтары туралы ақпарат түспегенін мәлімдеген болатын.