Таразда заңсыз иеленген пәтерлер мемлекетке қайтарылды

Тараз қаласы прокуратурасымен жүргізілген талдау нәтижесімен нарықтық құны 100 миллион теңгеден асатын азаматтармен заңсыз иеленген 10 пәтер анықталды, – деп хабарлайды Aikyn.kz сайты.

Мысалы, қала прокурорының бастамасымен апелляциялық сатылы сот бірінші сатылы соттың актісін бұзып, құны 15 миллион теңге құрайтын екі бөлмелі пәтерді мемлекетке қайтару туралы қаулы шығарды.

Анықталғаны, азамат аталған пәтерді қала тұрғынынан қолхатпен алған, кейіннен, пәтерді заң жүзінде иеленгенің алға тартып, сотқа пәтерге меншік құқығын тану туралы талап қоюмен жүгінген. Бірінші сатылы сот талап қоюды қанағаттандырған.

Бірақ апелляциялық сатыда талапкердіңпәтерді сатып алғаның және онда 7 жыл бойы үздіксіз тұрғанын растайтын құжаттарды ұсынбағаны анықталды.

Бұдан бөлек, прокуратурамен қала әкімдігіне иесіз объектілерге қатысты шара қабылдау үшін қадағалау актісі енгізілді.

Нәтижесімен қала әкімдігінің нарықтық құны 30 миллион теңгені құрайтын 3 мүлік (2 пәтер, 1 үй жер учаскесімен) иесіз және коммуналдық меншік құқығын тану туралы талап қоюы сотпен қанағаттандырылды, 3 пәтер бойынша талап қоюлар сотта қаралуда.

Сонымен қатар тіркеу органымен 3 пәтер иесіз мүлік ретінде есепке алынды. Атап өту қажет, 2025 жылдың сәуір айында қала прокуратурасымен мемлекет меншігіне 10 пәтер қайтарылды. Бүгінгі таңда көрсетілген пәтерлер, тұрғын үйге мұқтаж әлеуметтік осал топқа жататын азаматтарға берілді. Аталған бағыттағы жұмыстар жалғастырылуда.