Түн ортасында салют атқан тұрғын жауапқа тартылды

Атырауда драма театр маңындағы тұрғындар түнгі сағат 12-де атылған салюттің дауысынан шошып оянып кеткен.

Әлеуметтік желілерде тұрғындар оқиғаның көпшілік ұйықтап жатқан кезде болғанын, ал таңертең жұмысқа, мектепке және балабақшаға бару керек екенін жазып, наразылық білдірді.

Куәгерлердің айтуынша, бір топ адам айналада тұрғын үйлер тұрғанына қарамастан алаңда даңғырлаған музыка қосып, отшашу атқан. Facebook желісінде ашулы қала тұрғынының жазбасы тез тарады: ол болған жағдайды қарапайым мәдениеттің жоқтығының мысалы деп атады.

Полиция департаментінің мәліметінше, салют атқан азамат анықталды. Баспасөз хатшысы Мейірім Ердәулет оның Атыраудың 21 жастағы тұрғыны екенін хабарлады. Жігітке ҚР Әкімшілік құқық бұзушылық туралы кодексінің екі бабы: 437-бап — «Тыныштықты бұзу» және 436-бап — «Ұсақ бұзақылық» бойынша айыппұл салынған.

Ведомство мұндай жағдайларға дереу әрекет ететінін атап өтті, себебі түнгі отшашулар қоғамдық тыныштықты бұзып қана қоймай, қауіпсіздікке де қатер төндіреді.

Анастасия ШЕРСТЯНКИНА

Әлеуметтік желіден алынған видео

Бүгін, 13:22