Вакцина мен диагностиканың отандық өндірісі ұлғайып келеді

Соңғы 2 жылда Қазақстан ветеринария саласында вакцина мен диагностиканың отандық өндірісін ұлғайтып келеді.

Бүгінде елде шығарылатын препараттардың үлесі 68%-дан 82%-ға дейін өсті. Сатып алынатын 22 вакцина атауының 18-і өзімізде жасалынады. Биылдан бастап зертханалық базаны жаңғырту қолға алынып отыр. 2027 жылға дейін республика бойынша жабдықтау мен жаңарту толық аяқталмақ. Жыл соңына дейін Ұлттық ветеринария референттік орталығы мен Республикалық ветеринариялық зертхананың жабдықтары жаңартылмақ. Мұнымен қоса өңірлерде ауыл шаруашылығы жануарларын бірдейлендіру жүйесін жаңарту кезең-кезеңімен іске асырылады. Мал басын толық цифрландыру және эпизоотиялық жағдайды бақылау сапасын арттыруға күш салынып отыр. 

Нұрлан Раманқұлов, ҚР АШМ Ветеринариялық бақылау және қадағалау комитеті Аршалы аудандық аумақтық инспекциясының басшысы:

- Бұрыннан бар бізде жануарларды бірдейлендіру дерек қоры. Қазір оны одан сайын жеңілдету мақсатында ИСЖ мобильді қосымшасы енгізіліп отыр. Бұл енді қазір уақыт ұтады. Телефон арқылы барған жерінде вакцинация жұмыстары бар, диагносттикалық жұмыстары бар сол арқылы енгізеді. Бұл өте ыңғайлы.