WorldSkills Kazakhstan чемпионаты басталды

Елордада темірден түйін түйген шеберлер мен техниканың тілін тапқан инженерлер додасы басталды.

Жас жұмысшы мамандар ((WorldSkills Kazakhstan)) Уорлд Скилс Казакстан, республикалық чемпионаты аясында жарысады. Бәйгеге елдің барлық өңірінен 825 қатысушы мен 719 эксперт жиналып, өзара бақ сынамақ. 45 құзыреттілік бойынша сайыс өтеді. Олар экономиканың негізгі бағыттарын қамтиды. Өндіріс, ақпараттық технология, құрылыс және креативті индустрияға басымдық беріледі. Бүгін чемпионаттың ашылу салтанаты өтті. Жарыстың негізгі бөлігі ертең басталып, 9 желтоқсанға дейін жалғасады. Айта кетейік, ((WorldSkills International))  УОРЛД СКИЛС ИНТЕРНЭШНЛ қозғалысы 1946 жылы құрылған. Бүгінде оған мүше 89 ел бірлесіп заманауи экономиканың талаптарына сай кадрлар даярлаудың бірыңғай стандарттарын енгізуде. Елордадағы еңбеккерлер жарысының жеңімпаздары осы қозғалыс ұйымдастыратын әлем чемпионатына жолдама алады дейді ұйымдастырушылар.

Әсет Мұханбетов, ҚР Оқу-ағарту министрі техникалық және кәсіптік білім департаментінің директоры:

- Әр компентеция бойынша бірінші, екінші, үшінші орын алғандарға ең маңызды жүлде халықаралық чемпионатқа қатысуға мүмкіндік алады. Егерде біздің студенттеріміз аталған чемпионаттан жеңімпаз болып, Қытайға барып, дүниежүзілік чемпионатқа қатысып жүлдегер атана алатын болса, елімізге келіп өздерінің ЖОО тегін, грант негізінде оқуға түсуге мүмкіндік алады.  

WorldSkills Kazakhstan - елдегі талантты жастардың еңбегін дәріптеуге мүмкіндік беретін бірегей жоба. Додаға қатысуға, білек сыбанып отырған жастың бірі Нұртас Сағатжан. Ол өз командасымен бірге жүк тасушы робот жасап шыққан. Құлтемір өз бағдарламасына енгізілген жұмысты мінсіз атқарады әрі бірнеше зауытта еңбек етіп жатыр.

Нұртас Сағатжан, С. Мұқашев атындағы Атырау жоғары политехникалық колледжінің студенті

- Роботтың датчигі бізде бір затты істемей, бірнеше затты қолдана алады. Камера арқылы робот заттың түсін қарайды, салмағын және оның штрих-код арқылы бәрін біліп тұрады. Осы сайысқа басқа адамдармен танысып, опыт алып, білім толтырып..