Ыстамбұлда су таусылуы мүмкін: су қоймалары қауіпті деңгейге түсті

Стамбұлда тәулігіне орташа 3 миллион текше метр су тұтынылады. Қазан айында жауын-шашын мөлшері артса да, қаланы сумен қамтамасыз ететін су қоймаларындағы су деңгейі төмендеуді жалғастырды.

1 қазанда су қоймаларының орташа толымдылығы 28,49% болса, 31 қазанда 22,96%-ға түсті. Айлық төмендеу қарқыны – 5,53%.

Профессор Хүсейін Торос қазанда жауын-шашын қалыпқа қарағанда көп болғанын, бұл су жоғалуын екі есеге азайтқанын айтты. Дегенмен, ол Стамбұлдың тәуліктік су тұтынуы өте жоғары екенін ескертіп, су үнемдеудің маңыздылығын атап өтті. Мелен мен Ешильчай өзендері қаланың негізгі су көздері болып қала береді.