Зеленский Ақ үйге әуе қорғанысы оқ дәрілерін жеткізу туралы хат жолдады

АСТАНА, 1 маусым – Sputnik. Украина президенті Владимир Зеленский әуе шабуылына қарсы қорғаныс жүйелеріне арналған оқ-дәрілер көлемін ұлғайту туралы АҚШ-тың Конгресіне, Ақ үйге хат жолдаған. Алайда әлі жауап алмаған.

Зеленский АҚШ президенті Дональд Трампқа және АҚШ Конгресіне хат жолдап, Украина Қарулы күштеріндегі оқ-дәрі тапшылығының күшеюіне байланысты әуе қорғанысы кешендері мен оларға арналған зымырандарды жеткізуді арттыруды сұраған.

"Мен Ақ үй мен АҚШ Конгресіне хат жолдадым. Олар жағдайды түсініп, жауап береді деп үміттенемін", – деді Зеленский CBS телеарнасына берген сұхбатында.

Бұған дейін The New York Times Украина сұрап отырған әуе қорғанысы жүйелеріне арналған зымырандардың Таяу Шығыстағы жағдайға байланысты жетіспей жатқанын жазған.

Ресей Украинаға қару-жарақ жеткізу қақтығысты реттеуге кедергі келтіреді, НАТО елдерін қақтығысқа тікелей тартады және оларды "отпен ойнап жатыр" деп санайды. Ресей сыртқы істер министрі Сергей Лавров Украинаға арналған қару-жарақ тиелген кез келген жүк Ресей үшін заңды нысанаға айналатынын мәлімдеді.