Зеленский Украинада сайлау қашан болатынын айтты

АСТАНА, 3 наурыз – Sputnik. Владимир Зеленский Украина сайлауды тек қақтығыс аяқталғаннан кейін ғана өткізуге болатынын мәлімдеді, деп хабарлады РИА Новости.

"Нақты мәселе мынада: біз сайлауды қашан өткізе аламыз? Сайлау атысты уақытша тоқтату кезінде емес, соғыс аяқталғаннан кейін міндетті түрде өтеді", - деді Зеленский италиялық Corriere della Sera газетіне берген сұхбатында.

Украинада сайлау өткізу қажеттілігін 2025 жылдың желтоқсанында АҚШ президенті Дональд Трамп мәлімдеді. Ол Зеленскийді "сайлаусыз диктатор" деп атап, оның рейтингі 4%-ға дейін төмендегенін айтты.

2024 жылдың 20 мамырында өкілеттігі аяқталған Зеленский сайлау өткізуге дайын екенін мәлімдеп, АҚШ пен еуропалық одақтастарынан сайлау кезіндегі қауіпсіздікті қамтамасыз етуді талап етті. Айта кету керек, Зеленский егер сайлау өтетін болса, онда атысты тоқтату қажет екенін айтты.

Ақпан айында Axios-қа берген сұхбатында Зеленский Украинаның президент сайлауын референдуммен бір мезгілде өткізуі мүмкін екенін мәлімдеді. Ол егер дауыс беру кезінде атыс тоқтатылса, онда кандидат бола алатынын мойындады.