Жаркент өңірінде Taza Qazaqstan аясында 5 ауыл жаңғырды

Биыл «Taza Qazaqstan» бағдарламасы аясында ауданның 5 елді мекенінде 5 балалар мен спорт алаңдарын салу (52,9 миллион теңге, Жаркент, Ақжазық, Аққұдық, Сарытөбе, Кішішыған) жүзеге асырылды, – деп хабарлайды Aikyn.kz сайты. 

Сонымен қатар көшелерді жарықтандыру жұмыстары қарқынды жүргізілді. Мәселен, 6 ауылда жалпы ұзындығы 15,2 шақырымды құрайтын 8 көшеге 452 жарық шамының тірегі орнатылды (187,1 миллион теңге, Надек, Үшарал, Ақжазық, Алмалы, Әулиеағаш, Жаркент-Арасан ауылдары).

Жаркент қаласында арбат салу жұмыстарын бастауға 260,3 миллион теңге бөлінді. «Жаркент Мешіті» сәулет-көркем өнері музейінің алдына абаттандыру жұмыстары жүргізілді. Жібек жолы-Масанчи көшелерінің бойында абаттандыру жұмыстары жүргізілуде, 2026 жылдың наурыз айында қолданысқа беріледі.

Жаркент қаласында көпқабатты 4 үйдің (Көшкінов №1, Головацкий №1, Сыпатаев №231, №233) ауласына 50 миллион теңгеге биылғы жөндеу жүргізілді.

Атамекен ауылындағы орталық саябаққа ағымдағы жөндеу жүргізілуде, биылғы жылдың қараша айының соңына дейін жұмыстары аяқталады (17,6 миллион теңге).

Аудан аумағында «Taza Qazaqstan» бағдарламасын жүзеге асыру мақсатында  жалпы аудандық сенбіліктер өтуде, 27 540 адам,  270 бірлік арнайы техника жұмылдырылып, 1 923 тонна қалдық (қоқыс) шығарылды.

Жыл басынан бері көктемгі және күзгі маусымдарда аудан аумағында 13 500 түп (9 000 жапырақты, 4 500 қылқан жапырақты) ағаш көшеттері отырғызылды.

Бүгін Жаркент қаласынан Талды ауылына баратын жолдың 0-4 км аралығына ағаш көшеттерін отырғызу үшін арнайы орындар дайындалып, 7000 ағаш көшеттері отырғызылды, оның ішінде 500 қылқан жапырақты ағаш көшеттері.