Алдын ала сындырып тастамаңдар! : Еркебұлан Тоқтар өзінің қарсыласына араша түсті

Аралас жекпе-жек шебері Еркебұлан Тоқтар ММА-дегі дебютінде жеңіліс тапқан өзбекстандық файтер Шахзод Узоковты қолдауға шақырды, – деп хабарлайды Aikyn.kz сайты. 

Айта кетейік, «Gold» лақап атымен танылған спортшы Ташкентте өткен OCTAGON 84 турнирінде 21 жастағы әзербайжандық Мухаммадали Нурусовтан (рекорды – 2-0) нокаутпен жеңілді. Осы жекпе-жектен кейін Еркебұлан Тоқтар әлеуметтік желідегі сынға қатысты пікір білдірді.

«Қазір әлеуметтік желіні ашсаң, “Gold-ты” сынап жатқан адамдар көп. Жекпе-жек алдында қолдағандар енді теріс айналып жатыр. Бұл дұрыс емес. Керісінше, қолдау көрсету керек. Ол әлі жас, дайындалсын, шыңдалсын, бір-екі жекпе-жекте жеңіске жетіп, тәжірибе жинасын. Бізде бір рет жеңілсең, бірден таптап кетеді. Сондықтан алдын ала сындырып тастамаңдар. Қайта жақсылап дайындап әкеліңдер. Екеуміз әлі кездесеміз», – деді Еркебұлан Тоқтар.