Алматыда аллея орны брусчатка тастайтын қоқыс алаңына айналған ба

Әлеуметтік желіде ер адам қоршалған аумақта үйіліп жатқан тас төсеуіштердің бейнежазбасын жариялады.

Посмотреть эту публикацию в Instagram

Публикация от EGOV.PRESS (@egovpress)

Автордың айтуынша, бұрын аумақта шағын аллея болған және жөндеу жұмыстары жоспарланған. Алайда кейін орын тас төсеуіштерді тастайтын қоқыс алаңына айналған. Сондай-ақ бейнежазба авторы материалдардың пішіні әртүрлі болғанымен, әлі де жақсы күйде екенін атап өтті.

Бұл дерекке қатысты Бостандық ауданы әкімінің орынбасары Жандос Тәкібаев түсініктеме беріп, бейнеүндеу жасады. Оның айтуынша, аталған брусчаткалар Гагарин мен Си Синхай көшелерінің қиылысындағы аумақта орналасқан. Олар Есентай өзенінің жағалауын реконструкциялау жұмыстары аясында Әл-Фараби даңғылынан Тимирязев көшесіне дейінгі аралықта алынған.

Ол бұл жұмыстар мемлекеттік қаржыға емес, жеке құрылыс компаниясы тарапынан меморандум шеңберінде жүргізіліп жатқанын айтты.

— Алынған брусчатка коммуналдық кәсіпорындарға қысқы маусымда жүргізілетін апатты-қалпына келтіру жұмыстарына пайдалану үшін беріледі. Материал «Алматы Су» мекемесі мен «Алматы жылу желілері» кәсіпорнына қабылдап-тапсыру актісі негізінде өткізіледі, — деп түсіндірді Жандос Тәкібаев.

Посмотреть эту публикацию в Instagram

Публикация от Бостандық Ауданы Әкімдігі (@akimat_bostandyk)

Сөз соңында әкім орынбасары тұрғындарды тек ресми ақпарат көздеріне сенуге және тексерілмеген мәліметтерді таратпауға шақырды.

Еске салайық, бұған дейін жөндеу жұмыстары жүргізіліп жатқан Үлкен Алматы өзенінің жағалауында гранит плиталар алынып, құлыптас әзірлейтін цехке тасымалданған. Бұл дерекке қатысты полиция тексеру жүргізіп, қылмыстық іс қозғады.

Kazinform агенттігі 1 айға жуық уақыттан кейін тергеу қаншалықты алға жылжығанын анықтады.