Алматыда он қиылыста жаңа жол белгісі сызылды оны бұзғандар айыппұл арқалайды
Qazaq24.com, Sputnik.KZ дереккөзінен алынған мәліметтерге сүйене отырып түсініктеме береді..
АСТАНА, 18 қазан – Sputnik. Алматы қаласында он бірдей қиылыста "вафельді" төртбұрыш белгісі сызылды. Бұдан былай алдағы кептелісті көріп тұрып, төртбұрышта қалып қойған көлік иелеріне айыппұл салынады, деп хабарлайды Sputnik Қазақстан.
© Photo : Алматы қаласының әкімдігіАлматыда он қиылыста жаңа жол белгісі сызылды – оны бұзғандар айыппұл арқалайды

Алматыда он қиылыста жаңа жол белгісі сызылды – оны бұзғандар айыппұл арқалайды
© Photo : Алматы қаласының әкімдігі
Бұл шара көліктердің тоқтаусыз жүруіне және жол қозғалысы кезінде көліктердің кептеліс жағдайында қиылыстың ортасында тоқтауға, көлденең бағыттағы қозғалысқа кедергі келтірмеуге бағытталған.
"Басты мақсат – жүргізушілер тәртібін күшейту, жол-көлік оқиғаларының санын азайту және әсіресе, қарбалас сағаттарда көлік қозғалысының үздіксіздігін қамтамасыз ету", - дейді әкімдік мамандары.
Қазіргі кезде "вафельді" төртбұрыш белгісі бар көше қиылыстарында фото және бейнебақылау жүргізіледі. Осы тәжірибе оң нәтиже көрсетсе, пилоттық жоба кезең-кезеңімен қаланың басқа көшелерінде енгізіледі.
"Вафельді" төртбұрыш сызылған қиылыстар:
Абай даңғылы – Назарбаев даңғылы;
Абай даңғылы – Масанчи көшесі;
Абай даңғылы – Брусиловский көшесі;
Абай даңғылы – Момышұлы көшесі;
Абай даңғылы – Тұрғыт Озал көшесі;
Абылай хан даңғылы – Бөгенбай батыр көшесі;
Сәтбаев көшесі – Наурызбай батыр көшесі;
Сәтбаев көшесі – Жароков көшесі;
Жандосов көшесі – Жароков көшесі;
Розыбакиев көшесі – Төле би көшесі.
Айта кетері, бұған дейін ішкі істер министрлігі жүргізушілердің масаңдығын тексерудің жаңартылған ережесін түсіндірген болатын.


