Алматыға келген шетелдік турист қалада тәулігіне қанша ақша жұмсайды

Алмат әкімінің орынбасары Олжас Смағұловтың айтуынша, қалаға келген қонақтардың 320 мыңы — шетелдік саяхатшы.

Ал көрсетілген туристік қызметтердің көлемі 50 млрд теңгеден асып, 16,6% артқан. Негізгі өсім Үндістан, Қытай, БАӘ және Малайзиядан келген қонақтар есебінен байқалады.

Салалық инвестициялар сегіз айда 104 млрд теңгеге жетіп, 62,7% өскен. Ал туризмнен түскен салық түсімдері 59,3 млрд теңге болып, 28,6% артқан.

Туризмнің серпінді дамуына әуе қатынастарының кеңеюі де ықпал етіп отыр. 2025 жылы Гуанчжоу, Инин, Шанхай, Дананг, Аланья және Ош қалаларына жаңа рейстер ашылды. Mastercard деректері бойынша, шетелдік турист Алматыда тәулігіне орта есеппен 441 доллар жұмсайды — бұл қазақстандық туристерден 8,7 есе көп.

Қазір Алматыда жалпы құны 300 млрд теңге болатын 21 қонақүйдің құрылысы жүріп жатыр.

Еске салайық, бұған дейін Алматыға «Қайрат» — «Реал Мадрид» матчына 5 мыңнан аса турист келгенін жазған едік.