Антальядағы туристерден күзге дейін пикниктерден бас тартуды сұрады

Анталья билігі ормандарда пикник жасауға маусымдық тыйым салды - шектеулер 1 мамырдан 31 қазанға дейін күшінде болады. Бұл шешім орман өрті қаупінің артуына байланысты қабылданды: өңірде жаз ыстық әрі құрғақ болады деп күтіледі. Ал Түркияда мұндай кезеңдер бұған дейін де ірі өрттерге себеп болған, деп хабарлайды Tengri Travel.

Анталья билігі ормандарда пикник жасауға маусымдық тыйым салды - шектеулер 1 мамырдан 31 қазанға дейін күшінде болады. Бұл шешім орман өрті қаупінің артуына байланысты қабылданды: өңірде жаз ыстық әрі құрғақ болады деп күтіледі. Ал Түркияда мұндай кезеңдер бұған дейін де ірі өрттерге себеп болған, деп хабарлайды Tengri Travel.

Türkiye Turizm ақпаратынша, жаңа шаралар Анталья губернаторы Хулуси Шахин бастаған орман өртімен күрес комиссиясының отырысынан кейін жарияланды. Оның айтуынша, аталған кезеңде орман алқаптарында пикник жасауға толықтай тыйым салынады.

Анталья Түркиядағы орманды аймақтардың бірі саналады - мұндағы орман алқабы 1,1 миллион гектардан асады. Сонымен қатар провинцияның көптеген ауданы табиғи өрт қаупі жоғары аймақтарға жатады.

"Климаттың өзгеруіне байланысты температура қарқынды көтеріліп, құрғақшылық күшейіп жатыр, сонымен бірге өрт қаупі де артып отыр", - деді губернатор Хулуси Шахин.

Ол биліктің тек өрт сөндіруге ғана емес, сонымен қатар оның алдын алуға да басымдық беретінін атап өтті. Өңірде орман өрттерінің алдын алу бойынша арнайы жоспар іске қосылған. Қауіпті күндері ең осал аудандарда патрульдік бақылауды күшейту, тұрғындарды ақпараттандыру және ерте ескерту жүйесін жетілдіру уәде етілді.

@glr__hasancan07 #Antalya #serik #aksu #kumköy#ormanyangını ♬ orijinal ses - Hasancan_güler07

Шахиннің айтуынша, соңғы бес жылда Антальядағы барлық орман өрті ошағына егжей-тегжейлі талдау жасалып, аса қауіпті аймақтардың картасы әзірленген.

"Енді біз қауіпті аймақтарды нақты білеміз және адамдарға қауіп-қатер туралы алдын ала ескертетін боламыз", - деді ол.

Мониторинг жүргізу және жедел әрекет ету үшін провинцияда техника мен авиация дайындалған. Билік өңірдің 143 нүктесінде жерүсті өрт сөндіру топтары орналасқанын, 42 бақылау мұнарасы жұмыс істейтінін, олардың бір бөлігі IP-камералармен жабдықталғанын хабарлады. Сонымен қатар жағдайды ұшқышсыз ұшу аппараттары бақылайды. Сондай-ақ сегіз тікұшақ пен үш ұшақ сақадай сай тұр.

Демалушылар үшін шектеулер ең алдымен Антальяның орманды және таулы аймақтарына баруға қатысты. Туристер маусым кезінде ормандарда пикник ұйымдастыруға, от жағуға және мангал пайдалануға болмайтынын ескеруі керек. Бұл әсіресе танымал табиғи маршруттар мен жағалаудан тыс жерлердегі демалыс орындарына қатысты.

Дегенмен, курорттарды немесе жағажайларды жабу туралы сөз болып отырған жоқ. Шектеулер тек орман алқаптарына және өрттің алдын алу шараларына байланысты.

Билік бұл шаралардың мақсаты - соңғы жылдардағы ауыр кезеңдердің қайталануына жол бермеу екенін баса айтты.

2025 жылдың жазында Түркияның бірнеше провинциясында бірдей орман өрті тұтанды. Өрт Бурса, Анталья және елдің басқа да аймақтарында тіркелді. Кейбір аудандарда қатты желдің салдарынан тілсіз жау тұрғын үйлерге тез жақындап, ғимараттарға зақым келтірді, ал тұрғындардың бір бөлігін эвакуациялауға тура келген.

@.federal52 #yanginvar #ormanyangını #antalya #belek #titanicbelekdeluxe ♬ origineel geluid - .federal52

Сол кезде Антальяда бірнеше ірі өрт болды, соның ішінде Аксу және Аланья аудандары зардап шеккен. Өртті сөндіруге авиация - тікұшақтар мен ұшақтар, сондай-ақ AFAD бөлімшелері, жандармерия, өрт сөндіру қызметтері мен еріктілер тартылды. Түрік БАҚ-тарының мәліметінше, өрт ошақтары туристік жағалаудан алыс болған, бірақ жағдай күрделі күйінде қалған.

Ал 2024 жылы Түркиядағы орман өрттері салдарынан 3,5 мыңнан астам адам эвакуацияланған.

@babekgamze1302 Antalya Manavgat yanıyor #manavgat #antalyaturkey #alev #ateş #yanıyor #türkiyemmmm ♬ orijinal ses - Babek Gamze

Осыған ұқсас жағдай 2021 жылдың жазында да болған еді, ол кезде ауқымды өрттер Түркияның бірнеше провинциясын бірдей шарпыды. Сол кезде Түркия президентінің өкілі Ибрагим Калын орман өрттерін ұлттық апат деп атаған болатын. Бұл кезеңде Антальядағы Манавгат ауданы ерекше қатты зардап шекті. Қауіпті аймақтардан тұрғындар мен туристер эвакуацияланды, ал қалада гуманитарлық көмек жинау пункттері ашылды.

Көмек көрсетуге қазақстандықтар да атсалысты. Антальяда тағылымдамадан өтіп жүрген "Астана медицина университетінің" студенттері мен оқытушылары жергілікті волонтерлерге көмектесіп, гуманитарлық жүкті түсіруге және зардап шеккен аудандарға заттарды жөнелтуге жәрдемдескен.

Google News арқылы жаңалықтарымызды қадағалаңыз