Астанада автотұрақтар мәселесі өзекті болып тұр

Астанада автотұрақтар мәселесі әлі де өзекті.

Тұрғындар төлем жүйесінің қолайсыз екенін айтады. Бұл мәселе бұған дейін Мәжіліс қабырғасында да көтерілді. Депутаттар автотұрақ жүйесін қайта қарауды сұраған болатын.

Наргиз Бекмаганбетова, тілші:

- Елордада көлік саны артып келеді. 2025 жылдың басынан бері қалада 460 мыңнан астам көлік тіркелген. Бұл өткен жылмен салыстырғанда шамамен 15 процентке көп. Осы тұста  тұрақ тапшылығы сезіле бастады. Ал ақылы тұрақтардың саны артқанымен тұрғындар оларды пайдалану қолайсыз дейді. 

БЛИЦ

- Торговый домдардың арасында міне көріп тұрсыздар ғой, қазір машина келсе, өте алмайды. Тарлық жағы бар.

- Торговый центрлардың алдында хотя бы тегін болса, мынадай жерлерде, открытый дворларда болу керек деп ойлаймын.төлеу қызмет жағы қиын да, мысалы мен Достық 1-де болғанмын. шыққан кезде ұмытып кетіппін төлеуге, программасын скачать ету керек, ақшасы болу керек, айналып сол үшін қайта айналып кеттім.

- Көп тегін болатын жерде ақылы қылып қойған. Даже жекеменшік двордың жанында солай қойған ғой. Басында штраф 6 мың теңге болды ғой,қазір 2 мың бұл более.

Депутат Асылбек Нұралин Мәжіліс отырысында бұл мәселені көтеріп, нақты ұсыныс айтқан еді. Яғни көлік нөмірін автоматты тану жүйесін енгізу, пайдаланылмаған уақыт үшін төлемді қайтаруды айтты. Әрі мобильді қосымшаны да жетілдіру керек деді.

Асылбек Нұралин, ҚР Парламенті Мәжілісінің депутаты:

- Қазіргі жүйеде мынадай мәселелер бар. Автотұрақта бірнеше минутқа ғана тоқтаса да, жүргізушілер сағаттық төлем жасауға міндеттеледі. Бірыңғай тарифтік жүйе жоқ. Айыппұл көлемі шамадан тыс. Әсіресе әуежайда 15 минуттық тегін лимиттен асып кеткені үшін 5 мың теңге айыппұл салынады.

Мәселені шешу үшін  жауапты мамандар тұрақтардың инфрақұрылымын жетілдіру және тұрғындарға ыңғайлы жаңа жүйе енгізу бойынша жұмыстар басталғанын атап өтті.

ЦИТАТА

Қазіргі уақытта мемлекеттік-жеке меншік серіктестік туралы келісімді жеке серіктеспен бұзу процессі жүргізілуде. Ақылы автотұрақтарды қала меншігіне беру осы процесс аяқталып, реттелгеннен кейін жүзеге асырылады. Тарифтік саясатқа, төлем жүйесіне, сондай-ақ жаңа автотұрақ нысандарын салу немесе барларын жаңғырту жоспарларына және жаңа модельді енгізгеннен кейін жүйені басқару мәселелері автотұрақтар құқықтарының қала меншігіне ресми түрде өтуінен кейін шешіледі.

Есімхан Шырынов, қалалық жол қозғалысы қауіпсіздігі және көлік инфрақұрылымы бөлімінің бас маманы:

- Осылайшы қала билігі автотұрақ мәселесін шешуді қолға алды. Жаңа шешімдер жүргізушілердің күнделікті қозғалысын жеңілдетуі тиіс. 

Наргиз Бекмаганбетова, Мерей Талап, Өрден Жарқын