Астанадағы стадионды пайдалануға беру мерзімін ауыстыру: егжей тегжейі

Tengrinews.KZ парақшасынан алынған деректерге сүйене отырып, Qazaq24.com жаңалық жариялайды..

Астана әкімдігі Мұңайтпасов атындағы жаңа стадионды пайдалануға беру мерзімі шегерілгенін мәлімдеді. Арена 2026 жылдың бірінші тоқсанында салынып бітуі тиіс еді, - деп хабарлайды Tengri Sport.

3 мың 598 орындық стадион былтырдан бері елордадағы ең көне аренаның орнына салынып жатыр.

Бұған дейінгі сауалдарға берген жауабында Астананың құрылыс басқармасы нысан бірінші тоқсанда тапсырылады деп сендірген болатын, алайда 2026 жылдың сәуіріне қарай ғимарат 100 пайыз дайын емес.

"Қазіргі уақытта нысандағы құрылыс-монтаждау жұмыстары 94 пайызға аяқталды: әрлеу, қасбетті орнату, ішкі инженерлік желілерді жүргізу, шатыр (мембрана) жабу және абаттандыру жұмыстары жүргізіліп жатыр. Ресми түрде ашылуы биылғы екінші тоқсанға жоспарланған", - делінген әкімдік жауабында.

Айта кетейік, құрылыс смета шеңберінде жүргізіліп жатыр: жауапта бастапқыда көрсетілген 16,7 миллиард теңге көлеміндегі сома өзгермегені айтылған.

"Қ. Мұңайтпасов атындағы стадион құрылысы" жобасының құны ҚҚС-ты есепке алғанда 16,7 миллиард теңге (ҚҚС-сыз 15,2) болады. Құрылыс елге қайтарылған заңсыз шығарылған активтер есебінен жүзеге асырылып жатыр", - делінген жауапта.

Фото © Tengrinews.kz / Маржан Қуандықова

Мұңайтпасов атындағы стадион - құрылыс тарихы

Еске сала кетейік, Астанадағы еліміздегі ең көне футбол аренасы (1936 жылы салынған) саналған Қажымұқан Мұңайтпасов атындағы стадион 2025 жылдың басында толығымен бөлшектелген болатын.

Фото ©️ Tengrinews.kz / Тұрар Қазанғапов

12 мың орындық аренаның орнына енді сыйымдылығы айтарлықтай аз жабық футбол алаңы болады.

Бастапқыда жаңа аренаны 2025 жылдың аяғына қарай ашу жоспарланған еді, ал оның сыйымдылығы 4 мың 500 орындық болуы керек еді.

Стадион үшін 17 миллиард теңге

Тәуелсіздік алғаннан бері Қазақстанда үш жаңа стадион салынды.

Қазақстандағы ең ірі арена - 30 мың адамға арналған, құны 200 миллион долларлық "Астана Арена", 7 мың көрерменге арналған 39 миллион долларлық "Түркістан Арена" және жақында Қызылордада ашылған, құрылысына 26,5 миллиард теңге (қазіргі бағаммен шамамен 48 миллион доллар) жұмсалған, сыйымдылығы 11 мың адамдық "Қайсар Арена".

16,7 миллиард теңге - бұл шамамен 32 миллион доллар, яғни "Түркістан Аренаның" бюджетімен қарайлас сома, бірақ "Мұңайтпасов атындағы стадионның" сыйымдылығы екі есе аз болады - 7 мыңға қарсы 3 мың 589 адам.

Фото © Tengrinews.kz / Маржан Қуандықова

Жаңа стадион қалай пайдаланылады?

Ескі Мұңайтпасов атындағы стадион соңғы жылдары қарапайым қала тұрғындары спортпен шұғылдана алатын ашық алаң болған еді. Жаңа аренаға барлығының кіруіне рұқсат беріле ме, әзірге белгісіз.

"Стадион футбол матчтарын өткізуге арналған, сондай-ақ жаттығу орталығы ретінде пайдаланылатын болады", - деп мәлімдеді әкімдіктегілер біздің сауалымызға берген жауабында.

Фото © Tengrinews.kz / Маржан Қуандықова