Бельгияда демография және гендер туралы диалог өтті

24.KZ парақшасынан алынған ақпаратқа сәйкес, Qazaq24.com хабарлайды..

Брюссельде Орталық Азиядағы демографиялық тұрақтылық, гендерлік теңдік және әйелдер құқықтары мен мүмкіндіктерін кеңейту тақырыбына арналған дөңгелек үстел өтті.

Іс-шараны Қазақстанның Бельгиядағы елшілігі, БҰҰ Халықты қоныстандыру қоры және «БҰҰ-Әйелдер» құрылымы бірлесіп ұйымдастырды. Оған елшілер, дипломаттар және Еуроодақ институттарының өкілдері қатысты. Тараптар БҰҰ-ның Орталық Азиядағы рөлін, өңірлік саясатты үйлестіру қажеттілігін, сондай-ақ адами капиталға инвестиция салу мәселелерін талқылады. Қазақстанның Бельгиядағы елшісі Роман Василенко еліміздің демографиялық тұрақтылықты нығайтудағы тәжірибесін бөлісті. Орталық Азия - халқы шамамен 84 млн адамға тең стратегиялық өңір. 2040 жылға қарай бұл көрсеткіш 100 млн-нан асуы мүмкін. Ал 2050 жылға қарай еңбекке қабілетті адамдар саны 20 млн-ға дейін жетуі ықтимал.

Флоренс Бауэр, БҰҰ халықты қоныстандыру қорының Шығыс Еуропа және Орталық Азия бойынша өңірлік директоры:

- Халық саны өсіп келеді. Жастардың үлесі жоғары. Бұл демографиялық дивиденд пен экономикалық өсім үшін зор мүмкіндік береді. Бірақ бұл мақсатқа жету үшін адами капиталға, әсіресе әйелдердің құқықтары мен мүмкіндіктерін кеңейтуге инвестиция құю қажет.

Белен Санс Луке, «БҰҰ-Әйелдер» құрылымының Еуропа және Орталық Азия бойынша өңірлік директоры:

- Соңғы жылдары әйелдердің құқықтарын мойындау мен гендерлік теңдік мәселесін заңдар мен нормативтік актілерге енгізу бойынша айтарлықтай ілгерілеуді көріп отырмыз. Біз әйелдердің одан әрі дамып, табысқа жетуін әрі қарай да қолдауға ниеттіміз.

Маңызды жаңалықтар мен жаңартуларды өткізіп алмау үшін Qazaq24.com сайтын қадағалаңыз.