Берік Уәли “Аліби ісіндегі“ фигурантпен түскен суретін түсіндірді

Абай облысының әкімі Берік Уәли БАҚ пен әлеуметтік желілерде тараған суретке қатысты пікір білдірді. Онда әкім "Әліби ісі" бойынша 2015 жылы 12 жылға бас бостандығынан айырылған Арман Әбілтаевпен суретке түскен, - деп хабарлайды Tengrinews.kz тілшісі.

Абай облысының әкімі Берік Уәли БАҚ пен әлеуметтік желілерде тараған суретке қатысты пікір білдірді. Онда әкім "Әліби ісі" бойынша 2015 жылы 12 жылға бас бостандығынан айырылған Арман Әбілтаевпен суретке түскен, - деп хабарлайды Tengrinews.kz тілшісі.

ОКҚ-да өткен брифинг кезінде журналистер шенеуніктен суреттің қашан және қандай жағдайда түсірілгенін сұрады.

Берік Уәли сурет туралы БАҚ-та жарияланғанынан кейін ғана білгенін айтты.

"Мен бұл сурет жайлы тек БАҚ-та тараған кезде ғана білдім және сол кезде бұл адамның сол іске қатысы болғанын естідім. Бұрын оны танымағанмын. Ол кезде құрылысшылармен кездескенбіз, олардың арасында сол адам да болған. Біз әрқайсымен жеке-жеке суретке түстік, кейін ол суретті Instagram-ға ма жариялапты, содан кейін ол БАҚ-та тарады. Шынымды айтсам, оның өткен өмірі жайлы мүлде білмедім, сол жерде ғана таныстым. Маған оның жеке өміріне қатысты ештеңе белгісіз болды және бұған дейін кездескен емеспін. Оның іске қатысы туралы сіздер, журналистер арқылы ғана білдім. Сондықтан мұнда ешқандай сенсация жоқ. Бар шындық осы", – деді әкім.

Берік Уәлидің айтуынша, сурет тамызда түсірілген. Ол Әбілтаевтың кездесуге басқа құрылысшылар және олардың серіктестерімен бірге келгенін атап өтті.

"Күн сайын маған көптеген адамдар келеді, бәрі суретке түседі. Бірақ мен мұны сенсация деп санамаймын", – деп қосты ол.

Астаналық тұрғын Әліби Жұмагұловты соққыға жығу ісі 2015 жылғы сәуірде үлкен резонанс тудырған еді. Жігіттің әкесі әлеуметтік желіде ұлының қан-жас болған суреттерін жариялап, оны қаладағы белгілі кәсіпкер Қайрат Жамалиев ұрғанын мәлімдеген. Кейін кәсіпкер ұсталып, екі айға қамауға алынған.

"Әліби ісі" деп аталып кеткен істе бірнеше адам айыпталушы ретінде танылған. Олардың қатарында Арман Әбілтаев та болған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!