“Болат Назарбаевтың көмегінсіз емес“. Мәжіліс депутаты Бас прокурорға жүгінді

Мәжіліс депутаты Бақытжан Базарбек сот процестеріне бақылауды күшейту және су қоймаларын мемлекет меншігіне қайтару қажеттігін мәлімдеді. Ол бұған Алматы облысын мысал ретінде келтірді - деп хабарлайды Tengrinews.kz.

Мәжіліс депутаты Бақытжан Базарбек сот процестеріне бақылауды күшейту және су қоймаларын мемлекет меншігіне қайтару қажеттігін мәлімдеді. Ол бұған Алматы облысын мысал ретінде келтірді - деп хабарлайды Tengrinews.kz.

Депутаттың айтуынша, Конституцияда табиғи ресурстардың халыққа тиесілі екені және мемлекет оларды халық атынан басқаратыны бекітілгеніне қарамастан, су қорының бір бөлігі жекеменшікке өтіп кеткен жағдайлар кездеседі.

Базарбек кейбір істер бойынша соттар мемлекеттің позициясын қолдап, бұрын жасалған мәмілелерді заңсыз деп танығанын атап өтті. Алайда басқа ұқсас жағдайларда қарама-қайшы шешімдер қабылданып отыр, бұл сот тәжірибесінің біркелкілігіне қатысты сұрақтар туғызады.

Мәжілісменнің айтуынша, Алматы облысында су қорын заңсыз иелену деректері бойынша тексерулер сотқа дейін жетіп, сот мемлекет пайдасына шешім шығарған мысалдар бар.

"Болат Назарбаевтың кезінде және оның көмегімен бір адамның қолына заңсыз өткен Алматы облысындағы төрт ірі су қоймасы мемлекет меншігіне қайтарылды", - деді Базарбек.

Сонымен қатар депутат сот тәжірибесінде бұған қарама-қайшы мысалдар да бар екенін атап өтті. Атап айтқанда, Қапшағай су қоймасының су қорғау аймақтарындағы жерлерді қайтаруға қатысты бірқатар істер бойынша соттар анықталған заңбұзушылықтарды мойындаған, бірақ басқа ұқсас процестерде мемлекеттік органдардың талап-арыздарын қанағаттандырудан бас тартқан. Осыған байланысты Базарбек Жер және Су кодекстеріне сәйкес, бұл аумақтар жекеменшікте болмауы тиіс екенін, демек, мұндай істерге көзқарас бірыңғай болуы керектігін еске салды.

"Әрине, біз судьялар мен соттардың ішкі сенімі туралы шексіз дауласа аламыз, бірақ Жер және Су кодекстерінің, яғни заңның талаптары нақты: су қорының нысандары мен жерлері жекеменшікте болмайды. Нелге жер комиссияларына, бізге, неге олигархтар үшін Алматы облысындағы су қорының заңсыз иеленген жерлерін сот арқылы қайтару үлкен қиындықтармен жүріп жатыр? Заң бәріне ортақ қой, олигархтар үшін арнайы сот төрелігі болмауы тиіс", - деді ол.

Баяндалған жағдайлардың негізінде депутат Бас прокурордан Қапшағай су қоймасы мен Іле өзенінің су қоры жерлерін мемлекет меншігіне қайтаруға қатысты талап-арыздарды ерекше бақылауға алуды сұрады.

Сонымен қатар Базарбек тексеру нәтижелері бойынша мәмілелерді жарамсыз деп тану және меншік құқығының күшін жою үшін 65 жер учаскесі бойынша қосымша талап-арыздар беруді ұсынды.

Google News арқылы жаңалықтарымызды қадағалаңыз