Бублик Галледегі чемпиондық атағын қорғай алмады

Әлемдік рейтингте 11-орында тұрған және жарыстың 7-ракеткасы атанған қазақстандық теннисші турнирдің алғашқы кездесуінде әлемнің 74-ракеткасы, италиялық Маттиа Беллуччимен кездесті.

Матч екі сетке созылып, Бубликтің 6:7 (6:8), 1:6 есебімен жеңілуімен аяқталды.

Теннисшілер кортта 1 сағат 17 минут өткізді. Осы уақыт аралығында Александр алты эйс жасап, бір қос қателік жіберді және екі брейк-пойнттың біреуін сәтті пайдаланды.

Осылайша, Александр Бублик Галледегі турнирдегі өнерін алғашқы айналымда аяқтады.