Екі күн бойы іздестірілген: Ақтөбеде жасөспірім мен ер адам өлі табылды: 02 желтоқсан 2025, 11:06 жаңалықтар

Ақтөбеде құтқарушылар екі тәулік бойы іздеген 10-сынып оқушысы мен 27 жастағы қала тұрғыны өлі табылды, - деп хабарлайды Tengrinews.kz тілшісі.

Ақтөбеде құтқарушылар екі тәулік бойы іздеген 10-сынып оқушысы мен 27 жастағы қала тұрғыны өлі табылды, - деп хабарлайды Tengrinews.kz тілшісі.

Ақтөбеде 30 қарашада жоғалып кеткен екі адамды іздестіру жұмыстары аяқталды. ТЖД мәліметінше, іздестіру-құтқару шаралары барысында 2009 жылы туған жасөспірім мен 1998 жылғы ер адам өлі табылған.

Әлеуметтік желілерде жазылған ақпаратқа қарағанда, жоғалған жасөспірім 10-сыныпта оқыған және 30 қарашада күндіз қалалық моншаға жұмысқа кеткен, содан кейін үйіне оралмаған. Оның жоғалғанын түнде байқаған. Алайда бұл мәлімет ресми түрде расталған жоқ.

Іздеуге құтқарушылар, әскерилер мен полиция қызметкерлері жұмылдырылған.

"1 желтоқсанда іздеу шаралары барысында ТЖД-ның водолаздар бөлімшесі жоғалған жасөспірімнің денесін тауып, судан шығарып алды. Материалдар қажетті процессуалдық әрекеттер жүргізу үшін полиция қызметкерлеріне берілді. Бүгін ТЖД құтқарушылары дрон көмегімен 1998 жылғы екінші адамның денесін жағадан 30 метр қашықтықтан тапты", – деп хабарлады Ақтөбе облысы ТЖД баспасөз қызметі.

Жасөспірім мен 27 жастағы ер адамның бір-біріне кім екені нақтыланбады. Ақтөбе облысының полициясы әзірге оқиғаға қатысты түсінік бермеді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!