Ел алдында жүрген танымал өнер иесі ұшты күйлі жоғалып кетті

Қазақстанда белгілі стример әрі блогер Mellstroy (шын аты-жөні – Андрей Бурим) ресми түрде іздеуге жарияланды. Бұл ақпарат ҚР Бас прокуратурасының Құқықтық статистика және арнайы есепке алу комитетінің порталында жарияланды, деп хабарлайды Arasha.kz.

Беларусь тумасы Андрей Бурим – ТМД кеңістігіндегі ең даулы контент жасаушылардың бірі. Ол интернетте "trash-стример" деген атпен танымал: оның эфирлерінде шулы көріністер, даулы әрекеттер, тосын челлендждер мен алкогольдік контент жиі кездеседі.

2017 жылы Twitch пен YouTube платформаларында ойын стримінен басталған оның танымалдығы кейін түрлі "лайв-шоулар" арқылы күрт өсті. Донатқа арналған тапсырмалар, көрермендермен интерактив, кештер – мұның бәрі Mellstroy-ды орыс тілді ортадағы ең көп талқыланатын блогерлердің біріне айналдырды.

Оның аудиториясының басым бөлігі – ТМД жастары. Instagram, YouTube және Twitch-пен қоса, басқа да әлеуметтік желілерде миллиондаған жазылушысы бар.

Құқықтық статистика порталындағы мәліметке сәйкес, Mellstroy-ға қатысты іздестіру ісі 15 қараша күні Астанада тіркелген.

Іздеу салуға бастамашы болған – Қаржы мониторингі агенттігі. Істі тергеумен Астана қаласы бойынша экономикалық тергеу департаменті айналысады. Қаржы мониторингі агенттігі әзірге блогер не себепті іздеуге жарияланғанын ресми түрде түсіндірмеді. Себеп нақты кейін айтылатыны хабарланды.