Елдің рухани интеллектуалдық қуатын нығайтады

Роза Бағланова атындағы «Қазақконцерт» мемлекеттік академиялық концерттік ұйымында «Конституция – тәуелсіздіктің кепілі» атты дөңгелек үстел жиыны өтті.

Сурет: instagram.com/qazaqconcert/

Жиында Конституцияның жаңа жобасы талқыланды. Ұсы­ныл­ған өзгерістер құқықтық мемлекетті одан әрі нығайтуға және адамның құқықтары мен бостандықтарына кепілдіктерді кеңейтуге бағытталған. Кездесуге қатысушылар реформаның құн­дылықтық және гуманитарлық қырларына назар аударып, жаңа нормалардың қоғамдық санаға әсері жайында ой бөлісті.

– Алдыңғы кезекте Ата заңның жаңа мәтінінде білім мен ғылымға, тарихи-мәдени мұраны сақтау, төл мәдениетті қолдау, мәдениет пен инновацияға басымдық берілгені көңіл қуантады. Бұл 3-баптың 1-тармағында айқын жазылады. Одан бөлек 40-бапта Қазақстан Республикасының азаматтары тарихи және мәдени мұраның сақталуына қамқор болуға, тарих пен мәдениет ескерткiштерiне ұқыпты қарауға мiндеттi екені айтылған. Себебі еліміздің болашағы адам капиталына, азаматтардың білімі мен жетістіктеріне негіз­делетінін көрсетеді. Мұндай ба­ғыт жастардың әлеуетін ашуға, шығармашылық пен зияткерлік дамуды қолдауға жол ашады, – деп атап өтті Роза Бағланова атындағы «Қазақконцерт» мем­ле­кеттік академиялық концерт­тік ұйымының директоры Ақан Әбдуәлиев.

Жиында сөз алған Қазақстанның еңбек сіңірген қайраткері Жанғали Жүзбай өнер адамдарының шығар­машылығына қолдау көрсету жө­нінде өз ойын ортаға салды.

– Қазір өнердің барлық саласы жан-жақты дамып жатыр. Атап айтқанда, ұлттық өнер, классикалық өнер, эстрада өнері, қазақ би өнері, хор өнері, кино және театр өнерінің дамуын атап өтуге болады. Мысалы, «Қазақконцерт» ұйымындағы «Халық қазынасы» ұлттық өнер орталығында халық­тың әні, жыры, күйі мен дас­таны кеңінен қамтылған. Демек, орталықтың негізгі міндеті – Конституцияда көрсетілгендей, тарихи-мәдени мұраны сақтау және төл мәдениетті қолдау қызметін атқару. Бұдан бөлек жаңа реформалар ұлтымыздың мәдениеті, менталитеті және әлеуметтік мәсе­лелердің дамуына, сон­­дай-ақ ­­­қо­ғамның білім деңгейі мен зият­кер­лік әлеуетінің артуына ықпал етеді, – деді ол.

Ал Қазақстанның еңбек сіңірген қайраткері, Еркеғали Рахмадиев атындағы Мемлекеттік акаде­миялық филармония камера­лық хорының бас дирижері Гүлмира Құттыбадамова қазір нақ өзгеріс қажет кезеңде тұрғаны­мызды айтады.

– Қазір біз тез өзгеріп жатқан әлемде өмір сүріп жатырмыз. Оның үстіне, цифрландыру ойлау жүйеміз бен санамызды түбегейлі өзгертіп, өз ықпалын тигізуде. Уақыттың осы шынайы талаптары мен сын-қатерлері, сөзсіз, өзгерістер мен жаңарулардың қажеттілігін алға тартады. Кон­ституция жобасымен мұқият танысып шықтым. Білім беру мен тәрбиелеу жүйесінің зайырлы сипаты бөлек атап көрсетілген. Сондай-ақ
зияткерлік меншікті қорғау тура­лы ережені маңызды деп санаймын: Конституция деңгейінде мемлекеттің азаматтардың зияткерлік құқықтарын қор­ғау­ды өз міндетіне алатыны бе­кі­­тілген. Бұл – мәдениет пен шы­ғармашылықтың дамуына жаңа мүмкіндіктер ашып, еркін шы­ғар­машылықпен айналысуға жағдай жасайтын аса маңызды қадам, – деді Г.Құттыбадамова.

Сондай-ақ іс-шараға қатысу­шылар елдің ұзақмерзімді жаң­ғы­руы контексінде алдағы өзгеріс­тердің маңызына тоқталды. Олар мәдениет пен өнердің қоғам өміріндегі рөлін күшейтетін тетік­терді егжей-тегжейлі қарас­тырып, азаматтардың құқық­тық санасын қалыптастыруда сол мәдениет пен өнердің қалай көмектесетіні жөнінде пікір білдірді.

Кездесуде шығармашылық бастамаларды одан әрі қолдауға қатысты ұсыныстар тыңдалды. Мәдениет саласының өкілдері жаңартылған Конституцияның таланттарды ашуға және ұлттық мұраны қорғауға берік негіз қалыптастыратынын және ұлттың интеллектуалды әлеуетін дамыту үшін шешуші шарт екеніне баса назар аударды. Аталған жиынға мәдениет және өнер саласының өкілдері және «Қазақконцерттің» шығармашылық ұжымдарының көркемдік жетекшілері қатысты. 

Соңғы жаңалықтар

Өндіріс экономиканың өрісін кеңейтеді

Экономика • Бүгін, 09:00

Баға тұрақтылығы – басты назарда

Экономика • Бүгін, 08:55

Нариман Төреғалиев: Өңірдің әлеуеті жылдан-жылға артып келеді

Саясат • Бүгін, 08:50

Ғалымдар өзгерістерді қолдайды

Саясат • Бүгін, 08:48

Жаңатастағы жойқын дауыл

Аймақтар • Бүгін, 08:45

Ырысын ізденіспен еселеген

Еңбек • Бүгін, 08:43

Медалі көп чемпион

Ғалам ғажаптары • Бүгін, 08:40

Елдің рухани-интеллектуалдық қуатын нығайтады

Қоғам • Бүгін, 08:38

Дүбірлі дода басталды

Олимпиада • Бүгін, 08:35

Сегіз Олимпиадаға қатысқан

Ғалам ғажаптары • Бүгін, 08:30

Кешенді қолдау құжаты

Білім • Бүгін, 08:25

Бір сайыста – бес алтын

Ғалам ғажаптары • Бүгін, 08:20

Қазақ өнері – Доха сахнасында

Өнер • Бүгін, 08:15

Сағадағы сатира кеші

Тағзым • Бүгін, 08:10

Реформалар аясында топтасу аса маңызды

Саясат • Бүгін, 08:08

Барлық жаңалықтар