Иракта АҚШ тың Виктория әуе базасына дрондар шабуыл жасады

Бағдат халықаралық әуежайы аумағында орналасқан америкалық Виктория әуе базасына екі ұшқышсыз ұшу аппараты шабуыл жасады. Бұл туралы Ирактың Al-Sumaria және Al-Rasheed телеарналары қауіпсіздік дереккөздеріне сілтеме жасай отырып хабарлады.

Олардың мәліметінше, бір дронды базаның әуе қорғанысы күштері қағып алған, ал екіншісі арнайы операциялар аймағы маңындағы периметрдің ішінде құлады. Хабарланғандай, нысандардың бірі базадағы логистикалық орталық болған. Зардап шеккендер немесе залал туралы ақпарат ресми түрде расталған жоқ. 

Кейін «Ирактағы исламдық қарсыласу» тобының құрамына кіретін ирактық «Сарая Аулия ад-Дам» тобы шабуылды жүзеге асырғанын мәлімдеді. Таратылған мәлімдемеде бұл шабуыл Иранның Жоғарғы көсемі Әли Хаменеидің өлтірілуіне жауап ретінде аталған.

Жарияланым пайда болған кезде АҚШ немесе Ирак билігінен ешқандай ресми түсініктеме түскен жоқ. 

Алдыңғы күні, жексенбіде осы топ Ирактың солтүстігіндегі Эрбилдегі америкалық базаға шабуыл жасағанын мәлімдеген еді. Бұл оқиғалар аймақтағы қақтығыстың күшеюі және Ирактағы америкалық әскери күштердің қатысуына байланысты шиеленістің артуы аясында орын алып отыр. 

Осыған дейін Ирактағы әскери база шабуылға ұшырағанын хабарладық.