Медициналық туризмде танымал бағыттар қандай?

Медициналық туризм Қазақстанға жылына 300 млн доллар әкелуі мүмкін. Сала сарапшылары осылай дейді.

Шетелдіктер қазірдің өзінде отандық медициналық қызметтерге сұраныс танытып отыр. Биыл 80 мың адам сырттан келіп ем алған. Оған бірден бір себеп бағаның қолжетімділігі және сапа. Сарапшылардың айтуынша, Корея, Үндістан, Гермария сынды мемлекеттерде медициналық туризм елдің жалпы ішкі өніміне кіреді. Сондықтан мұндай қызметтер экономикаға мол қаржы әкелуі мүмкін. 

Айта кетейік, бүгінде тоғыз қазақстандық клиника халықаралық JCI аккредитациясынан өтті. Соның бірі Алматыдағы кардиология және ішкі-аурулар ғылыми-зерттеу институнына тиесілі. Орталық 2019 жылдан бері медициналық туризм аясында шетелдіктерді қыблдайды. Өзге елдің азаматтары көбінесе жаңа технологиялармен жасалатын операцияларға, диагностикаға және ем-дом алуға келеді. 

Рүстем Төлеутаев, Алматыдағы "Кардиология және ішкі аурулар ғылыми-зерттеу институты" АҚ басқарма төрағасы:

- Айта кету керек, институтымыз мемлекеттік сертификаттан жоғары сана алған, сонымен қатар біз халықаралық JCI сертификатын алдық. Ол 2019 жылдан бастап шетелден келген пациенттеріміз болып жатыр. Біз қазір бүкіл әлемнен пациенттерді қабылдай аламыз. Ең көбі - Ресейден келетіндер. Екінші орында Өзбекстан, Қырғызстан, Тәжікстан, Еуропадан да бар. 

Болатбек Баймаханов, Сызғанов атындағы Ұлттық хирургия орталығының басшысы, хирург-трансплантолог:

- Медицина туризмі дегеніміз, бір жағынан, өзіміздің мемлекеттік медицина саламыздың даму деңгейін көрсетеді. Қай деңгейде, қандай деңгейде, күрделі операциялар жасалынады. Екінші жағынан бізге ол әрі қарай стимул болады. Қазіргі үлкен конкуренция жағдайында өзіміз осы заманға сай, тиісті жоғары деңгейде, менің салама келгенде хирургия, трансплантация деңгейін көрсетуіміз керек деп ойлаймын.