Өңірлерде жаңа өндіріс орындары ашылды

Солтүстік Қазақстан облысында тауарлы сүт фермасы пайдалануға берілді. Бірінші кезеңде 800 басқа арналған қора, сүт блогы, 550 басқа арналған қора-жай, екі бұзау қора және құрама жем зауыты салынды. Кешенде Орталық Азиядағы ең ірі 100 орындық сауу каруселі орнатылған. Германиядан 585 асылтұқымды мал әкелінді, жыл соңына дейін тағы 660 бас жеткізіледі. Жоба аясында мал саны 12 мың басқа жетеді.

Абай облысында құны 7 млрд теңге болатын күнбағыс тұқымын өңдеу және өсімдік майын өндіру зауыты ашылды. Кәсіпорын тәулігіне 300 тоннаға дейін май өндіріп, 500 тонна тұқым тазалай алады. Мұнда 120-дан астам жұмыс орны құрылды. Өнім ішкі нарыққа және экспортқа шығарылады.

Қызылорда облысының Жаңақорған ауданында 5,5 млрд теңгеге құс фабрикасы салынды. Кәсіп­орын жылына 6 мың тоннаға жуық құс етін өн­діреді. 12 құс қорасы, сою және инкубация цехтары бар нысанда 120 жұмыс орны ашылды. Өнім өңір мен көрші облыстарға жеткізіледі.

Қарағанды облысында инвестиция көлемі 1,5 млрд теңгеден асатын кірпіш зауыты іске қосылды. Толық өндірістік циклге ие кәсіпорын жылына 45 млн кірпіш шығарады. Өнім Қарағанды және Ақмола облыстарының қажеттіліктерін қам­тамасыз етеді.

Жаңақорғанда қайтарылған активтер есебінен 1,1 млрд теңгеге су стансасы салынып, 1 500-ге жуық үй ауызсумен қамтылды. Ал Талдықорғанда әлеуметтік осал 41 отбасы баспана алған. Биыл қалада 1,4 мыңға жуық адам қоныс тойын той­лайды. Сондай-ақ Шымкентте әлеуметтік осал санаттағы 80 отбасы жалдамалы пәтерге ие бо­лып отыр. Шорнақ ауылында 1,7 млрд теңгелік спорт кешені ашылып, 40 жұмыс орны құрылды. Со­нымен қатар Кентауда 300 орындық заманауи жабдықталған Достық үйі пайдалануға берілді.

Әмина МҰХАМБЕТ