Қазақ ветеринария институты QazBioPharm құрамынан шығарыла ма

Үкімет басшысының атап өтуінше, ҚазВҒЗИ санитариялық-эпидемиологиялық және ветеринарлық-санитариялық саладағы бірыңғай мемлекеттік саясатты жүзеге асыру және міндеттерді кешенді шешу үшін аталған холдингтің құрамына ықпалдастырған. Сонымен қатар бұл шара институттың ғылыми нәтижелерін коммерцияландыруға және экономикалық тұрақтылығын арттыруға бағытталған.

- Ықпалдастыру нәтижесінде Тәуелсіз мемлекеттер достастығы елдеріне ғылыми әзірлемелерді коммерцияландыру және өнім экспортының айтарлықтай артқаны байқалады. ҚазВҒЗИ-ді холдинг құрамынан шығару ғылыми активтердің тиімді шоғырлануына теріс ықпал етіп, «ғылым – әзірлеме – өндіріс - енгізу» тізбегін бұзуы және биологиялық қауіпсіздік саласындағы ведомствоаралық үйлестіру сапасын төмендетуі мүмкін. Оның институционалды тиесілігі мәселесін ведомстволық не болмаса мүлікті қайта бөлу ретінде емес, ұлттық биологиялық және эпизоотикалық қауіпсіздікті қамтамасыз ету ұстанымында ғана қарастырған жөн. Осыған орай, ҚазВҒЗИ-ді холдинг құрамынан шығару белгіленген проблемаларды шешуге қызмет ете алмайды және биологиялық қауіпсіздікті басқарудың фрагментациялық жүйесіне тәуекел тудырады, - деді Олжас Бектенов.

Бұған дейін Қазақ ветеринария ғылыми-зерттеу институтының Алматы әкімдігі алмақ болған жер учаскесі өзінде қалатынын жазған едік.