Қазақстанда 2030 жылғсу а дейін 42 жаңа су қоймасы салынады

Қазақстанда су ресурстарын басқару жүйесін дамыту тұжырымдамасына сәйкес, 2030 жылға дейін 42 жаңа су қоймасын салу жоспарланып отыр.
Бұл туралы Қазақстан Республикасы Су ресурстары және ирригация министрлігі вице-министрі Ерболат Ибрайханов мәлімдеді.

Жоба аясында жаңа нысандармен қатар, қолданыстағы инфрақұрылым да жаңартылады. Атап айтқанда, 37 су қоймасы мен 110 гидротехникалық құрылыс реконструкцияланып, 14,5 мың шақырым су арналары жаңғыртылады. Сондай-ақ 557 нысанның техникалық жағдайына тексеріс жүргізіледі.

Вице-министрдің айтуынша, 2025 жылы министрлік 147 инфрақұрылымдық жобаны іске асырып, оның 53-ін аяқтаған. Соның ішінде 677 шақырым ирригациялық жүйе жаңғыртылып, Қызылағаш, Киров, Қапшағай және Шар су қоймалары реконструкцияланған. Сонымен қатар 15 топтық су құбыры салынып немесе жөнделген.