Қазақстандағы ең үздік AI жобалар анықталды

12-14 қыркүйекте Astana Hub пен Blockchain & AI Technology Center (BAITC) Жасанды интеллект және цифрлық даму министрлігінің қолдауымен Decentrathon 4.0 хакатонын өткізді, – деп хабарлайды Aikyn.kz.

Елдің тарихындағы ең үлкен офлайн хакатон 20 қалада бір уақытта өтті. Алғаш рет екі бағыт қатар жүрді: жасанды интеллектке арналған AI-трек және 12 қыркүйектен басталған Solana Day powered by Decentrathon блокчейн-трегі.

Биыл хакатонға 4 800-ден астам адам қатысып, 2 000-нан астам команда құрылды. Жоба тарихындағы ең жоғары көрсеткіш – Decentrathon еліміздегі ең ірі технологиялық жарыс екенін тағы бір рет дәлелдеді.

Жалпы жүлде қоры Decentrathon үшін 15 млн теңге, Solana Day үшін $20 000 болды. Негізгі серіктестер: Blockchain трегінде Solana Superteam KZ, ал AI трегінде inDrive, ЦентрКредит Банкі және bcc hub.

Биылғы Decentrathon қазақстандық технокомпаниялардан қызықты тапсырмалар алып келді. inDrive-пен бірлесіп, командалар екі тапсырманы шештті: біріншісі – фото арқылы автокөліктің жағдайын анықтайтын компьютерлік көру жүйесі, екіншісі – сұранысты болжап, маршруттарды оңтайландырып, күту уақытын қысқарту үшін жолсапардың геотректерін талдау.

«Decentrathon толығымен ойдағыдай өтті: біз 2000-нан астам топ мүшелерінен 200-ден астам шешім алдық, бұл біздің күткенімізден айтарлықтай асып түсті. Іс-шара жанды және достық атмосферамен ерекшеленді, бұл бізге қатысушылармен белсенді араласуға көмектесті. Қауіпсіздік inDrive - тің басымдығы болған соң, біздің есептеріміз осы тақырыпта болды. Ұсынылған идеялар әртүрлі деңгейде болғанына қарамастан, финалдағы жеңімпаздар шынымен сапалы және қызықты шешімдерді көрсетті. Біз мұндай ауқым мен қатысудың жоғары деңгейін көрсеткен Decentrathon байқауы Қазақстандағы табысты жобалар мен жаңа технологиялардың негізіне айналатынына сенімдіміз», – деп атап өтті Қазақстандағы inDrive бизнес басшысы Арай Бекембаев

Блокчейн-тректе (Solana Day powered by Decentrathon) командалар DeFi-протоколдары мен активтерді токенизациялау платформаларын жасады – жылжымайтын мүліктен бастап өнер туындылары мен ойын заттарына дейін. Бұл шешімдер нақты және виртуалды активтерді токенге айналдырып, жаңа инвестициялық мүмкіндіктер ашады және қазақстандық әзірлеушілердің Web3 саласындағы мүмкіндіктерін көрсетеді.

«Solana Day by Decentrathon жаңа буын әзірлеушілерінің ерекше энергиясы мен креативін көрсетті. Қазақстан Web3 таланттарының жаңа орталығына айналып келеді, ал Solana Superteam KZ сол идеялардың шын мәнінде жүзеге асып, жаһандық деңгейге шығуына көмектесіп келеді», – дейді Талғат Досанов, Solana Superteam KZ жетекшісі.

ЦентрКредит Банкі мен bcc hub серіктестігі арқылы жекелендірілген push-хабарламалар жүйесі және банк құжаттарын өңдейтін интеллектуалды OCR 2.0 тапсырмалары берілді. Командалар клиенттің мінез-құлқын талдап, автоматты түрде жеке қаржылық ұсыныстар беретін жүйенің прототипін жасады. Сонымен қатар құжаттардың құрылымы мен мағынасын түсіне отырып, оларды интеллектуалды тану шешімін әзірледі.

«Decentrathon 4.0 – жоғары деңгейде өткен ауқымды іс-шара, ол нарықтың негізгі ойыншыларын біріктірді: мемлекеттен бастап жеке компаниялар мен стартаптарға дейін. Мұндай серіктестік ақпараттық технологиялар, оның ішінде AI дамуы үшін жаңа мүмкіндіктер ашады. Осы бастаманы қуана қолдадық. Биыл көп қатысушылар мен кермет идеялар болды, жеңімпаздарды таңдау оңай болмады. Ақырында шешуші фактор шешімдердің жоғары дәлдігі болды – ұсыныс жүйелерінде де, интеллектуалды құжат тану модульдерінде де», – дейді Руслан Енсебаев, bcc hub бас директоры.

Еліміздің ең ірі хакатонының жеңімпаздары Астана, Алматы, Семей, Өскемен және Тараз қалаларынан шықты.

AI-трек inDrive бойынша автокөлік жағдайын анықтау кейсінде Sapiens (Алматы), Butaq (Алматы) және DOGS (Өскемен) алғашқы орындарды алды. Геотрек талдау кейсі бойынша ElArNa, plump және AIVIOM командалары (үшеуі де Астанадан) үздік болды.

Solana Day powered by Decentrathon блокчейн бағытында DeFi-протокол бойынша Solarium (Тараз), Kazachi Kopai (Астана) және DOGS (Өскемен) командалары жеңіске жетті. Активтерді токенизациялау бойынша NeoDev (Алматы), Ajeani (Тараз) және AIxArtxSol (Астана) үздік болды.

AI-трек BCC-HUB бойынша жекелендірілген push-хабарламалар кейсінде 2.08 (Астана), yerayal (Семей) және Artificial spirit (Алматы) командалары жеңді. OCR 2.0 кейсі бойынша StarWars (Алматы), zhurttyn baldary (Алматы) және qwerty12345 (Астана) үздік шешімдер ұсынды.

Салтанатты марапаттау рәсімі қазан айында Digital Bridge 2025 басты сахнасында өтті. Decentrathon 4.0 жеңімпаздары серіктестер – inDrive, Solana Superteam KZ, ЦентрКредит Банкі, bcc hub және Қазақстанның IT саласының көшбасшыларының қатысуында лайықты марапаттарын алды.

Decentrathon 4.0 тағы бір рет Қазақстанның ең ірі IT-оқиғасы мәртебесін растады және бизнес пен технологиялық экожүйе үшін қажетті жаңа идеяларды дамытатын алаңға айналды.