Қосшағыл маңындағы мұнай іздері: ескі ұңғыма ма, әлде заңсыз төгінді ме?​

Қосшағыл ауылы маңындағы мұнайға ұқсас іздер тұрғындардың алаңдаушылығын тудырды.

Әлеуметтік желіде Жылыой ауданы Қосшағыл ауылының далалығынан мұнайға ұқсас қалдық табылғаны жөнінде видео жарияланды. Айналасы қоршаусыз күйде болды. 

Бұл төгілген қалдық па, жоқ мұнай көзі табылған ба деген сұрақ жылыойлықтарды мазалауда. 

Осыған орай Атырау облысы экологиялық департаметіне сұрау салғанбыз.

- Төккен нәрсеге ұқсамайды, кімнің жері екенін анықтаймыз, - деген жауап келді. 

Іле-шала мұның ескі ұңғы екені, тазарту жұмысы жүргендігі жөнінде ақпар жетті. Экология департаментінің баспасөз қызметі бұл қалдық жөнінде және жердің иесін анықтау үшін "Ембімұнайгаз" АҚ-на хат жолдапты.

Ләззат ҚАРАЖАНОВА

Кеше, 12:44