Қытайда Қазақстан шекарасына жақын жерде жер сілкінісі болды

Қытай аумағында, Қазақстан шекарасына жақын жерде магнитудасы 4,8 болатын жер сілкінісі болды. Жер асты дүмпулері 29 қазанға қараған түні тіркелді, деп хабарлайды Tengrinews.kz.

Қазақстан ұлттық деректер орталығының мәліметінше, жер сілкінісі 29 қазан күні Астана уақытымен сағат 03:42-де болған. Картаға сүйенсек, эпицентр Қазақстан шекарасынан шамамен 65 шақырым жерде орналасқан.

28 қазан күні кешке Қытайдың дәл осы ауданында тағы бір жер сілкінісі тіркелді. Деректер орталығының ақпараты бойынша, ол Астана уақытымен сағат 20:40-та болған. Жер асты дүмпулерінің магнитудасы 5,1-ді құрады.

Қазақстан аумағында жер асты дүмпулерінің сезілгені туралы ақпарат жоқ.

Еске сала кетейік, 22 қазанда қазақстандық сейсмологтар Қытайдағы бірқатар жер асты дүмпуін тіркеді. Тибет автономиялық ауданында болған ең жойқын сілкіністің магнитудасы 7,1-ді құрады. Жер сілкінісі салдарынан кем дегенде 16 адам қаза тауып, тағы 32 адам жарақат алды.

Бейнебақылау камералары жер сілкінісі сәтін түсіріп алған: БАҚ жариялаған кадрлардан адамдардың жансауғалап ғимараттардан сыртқа қарай қашып бара жатқанын көруге болады.

Тағы оқыңыз: Үнсіздікке жұмсалған миллиардтар. Қазақстанда ТЖ кезінде құлақтандыру жүйесі қалай жұмыс істейді және ол неге істен шығады?

Бізді Google-дың негізгі дереккөздер тізіміне қосыңыз