Ресей мен Украина шығындарының арақатынасы күрт өзгерді The Economist

Британдық The Economist журналының мәліметінше, Ресейдің Украинадағы соңғы жазғы шабуылы сәтсіз аяқталып, шамамен 100 мың жауынгер қаза тапқан.

Зерттеу нәтижесіне сәйкес, 2022 жылдан 2025 жылға дейінгі аралықта Ресейдің жалпы әскери шығыны 984 мың мен 1,4 миллион адамның арасында, оның 190–480 мыңы қаза тапқан.

Ал украиндық тараптың шығыны айтарлықтай аз – 77 мыңнан астам сарбаз қаза тауып, сондай шамада адам хабар-ошарсыз кеткен.

Басылым мәліметінше, биылғы жылы әрбір қаза тапқан украин сарбазына бес ресейлік тең келеді.

The Economist сарапшыларының пікірінше, Ресейдің адам ресурстары азайып, соғысты әскери жолмен жеңу мүмкіндігі барған сайын төмендеп барады.