Шорт трекшілер ашық жаттығу өткізді

«Оқжетпес» футбол клубына жаңа бас бапкер тағайындалды. Бұдан былай көкшетаулық команданы Ринат Әлеуетов жаттықтырады. Ол осыған дейін премьер-лигадағы «Жеңіс», «Жетісу», «Тұран» және «Каспий» клубтарында еңбек етіп, тәжірибе жинаған.

Елена Рыбакина ширек финалда

Теннистен Елена Рыбакина Аустралиядағы турнирдің ширек финалына шықты. Ол жарыстың 1/8 айналымында әлемнің 25-ші ракеткасы испандық Пауло Бадосамен кездесіп, айқын басымдықпен жеңіске жетті. Қорытынды есеп 2:0. Қос сет қорытындысы бойынша 6:3, 6:2 есебі тіркелді. Ойын 1 сағат 26 минутқа созылды. Енді ол келесі кезеңде чехиялық немесе ресейлік спортшымен кездеседі. Айта кетейік, Брисбен турнирінің жалпы жүлде қоры 1,5 миллион доллардан асады. Жарыс жеңімпазы 215 мың доллар көлемінде пайда тауып, 500 рейтингтік ұпайға ие болады. Елена Рыбакина бұл турнирде 2024 жылы жеңіске жеткен еді.     

Шорт-тректен ұлттық құрама спортшылары олимпиада ойындарына қызу дайындалып жатыр. Қазақ жанкүйерлері Миланда дәл осы спорт түрінен медаль күтетіні сөзсіз. Әсіресе төрт жылдықтың басты додасына төртінші рет қатысқалы отырған Денис Никиша мен Абзал Әжіғалиевке артылар жүк ауыр. Денис өткен 2 маусымда сәтті өнер көрсетіп, әлем чемпионатының қос бірдей күмісін мойнына тақса, Абзал әлем кубоктарында бірнеше мәрте топ жарды. 

Абзал Әжіғалиев, шорт-тректен ұлттық құрама мүшесі:    

- Осы олимпиадада ең үздік жетістікке жетсем, медаль алсам деген бала кезден бергі арманым бар. Енді осы арманыма 4-рет мүмкіндік беріліп тұр. Абыроймен барып, қазақстандықтарды қуанту үшін бар күн-жігерімді саламын. Төртінші олимпиада болғаннан кейін жауапкершілік сезіледі. Қолымыздан келгенше барымызды саламыз. 

Денис Никиша, шорт-тректен ұлттық құрама капитаны:

- Бәрі жақсы. Жаттығуымыз ойдағыдай жүзеге асып жатыр. 500 метр – Абзал екеуміздің оң жамбасымызға келетін ең ыңғайлы қашықтық болғандықтан көпшілік назары бізде болатыны сөзсіз. Спринттік бәсекеде жүлде алу үшін бірге жаттығып жатырмыз. Арасында әдейі бір-бірімізге кедергі келтіріп, жарысамыз. Спорт бәсекеден тұрады ғой. Медаль алуға тырысамыз.  

Айта кетейік, спортшылардың қоржынында әзірге 23 жолдама бар. Соның 9-ы шорт-трекшілерге тиесілі. Олар 500 метрлік сынға төрт лицензия, 1000 метрлік бәсекеде екеу, 1500 метр қашықтықта тағы екеу және 2 мың метрлік аралас сынға бір жолдама жеңіп алды. Бас аяғы төрт шорт-трекші өнер көрсетеді. Қыздардан Ольга Тихонова мен Яна Хан бақ сынайды. 

Яна Хан, шорт-тректен ұлттық құрама мүшесі:   

- Қысқы олимпиада ойындарының басталуына бір айдан аз уақыт қалды. Ұлттық құрама біздің дайындығымызға жан жақты қолдау көрсетіп жатыр. Қазір біз жылдамдыққа, спринттік бәсекелерге ерекше мән беріп, жаттығып жатырмыз. Мен 2 мың метрлік эстафеталық аралас сында және мың жарым метрлік қашықтықта сынға түсемін. Бізге жанкүйер болыңыздар.     

Петр Гамидов, шорт-тректен ұлттық құраманың бас бапкері:   

- Қазір әлемдік шорт-тректе бәсекелестік өте жоғары. Біздің құрама үздік 10 елдің қатарына кіреді деп айта аламын. Басты қарсыластарымыз әрине, кәрістер мен қытайларлықтар және канадалықтар мен нидерландылықтар. Жоспарымызды жүзеге асырып, жүлде алу үшін қолдан келгенін аянып қалмаймыз.    

Белгілі боксшы спорттық мансабын аяқтады

Бокстан әлем чемпионы Бекзат Нұрдәулетов спорттық мансабын аяқтады. Енді ол сала маманы ретінде өз өңірінде басшылық қызмет атқарады. Яғни Маңғыстау облысында бокстан олимпиадалық резервтің мамандандырылған балалар мен жасөспірімдер мектебінің директоры қызметіне тағайындалды. Айта кетейік, ол ұлттық құрама сапында жүріп азия чемпионаты мен әлем біріншілігінде топ жарды. Олимпиада ойындарында өнер көрсетті. 

Бекзат Нұрдәулетов, боксшы:

- Бүгін мен үшін үлкен жауапкершілік жүктелген жаңа кезең басталды. Мені Маңғыстау облысындағы бокс бойынша олимпиадалық резервтің республикалық мамандандырылған мектеп-интернатының басшысы етіп тағайындады. Басшы болу – атақ үшін емес, жүйе қалыптастыру, жастарға жол ашу, спортты дамыту үшін. Алдымда тұрған мақсат айқын. Жұмыс енді ғана басталды.