ШҚО дағы Алтай қаласының халқы жол жағдайына шағымданды

Жергілікті жұрттың айтуынша, жолдың осылай жөндеу көрмей тұрғанына талай жылдың жүзі болған.

— Малосемейка ауданындағы жол деген шұрық тесік. Бурнашов бульвары, 26-үй маңындағы аула аумағымен жүру мүмкін емес. Көліктен обал, — дейді тұрғындар.

Дәл осы жерде автобус аялдамасы мен қоқыс жәшіктеріне апаратын жол орналасқан. 

— Сондықтан бұл жол тезірек жөнделсе екен дейміз. Әкімдік өтінішімізді ескерусіз қалдырмас деген үміттеміз, — дейді алтайлықтар. 

Алтай қаласының әкімдігі бұл мәселеден хабардар екендігін мәлім етті.

— Қала әкімі аппараты бұл жол жағдайы туралы хабардар. Осы учаске Алтай қаласы бойынша жөндеуден өтетін жолдардың тізіміне енгізілген. Сондықтан халықтың шағымы ескерусіз қалмайды, — деп жауап берді әкімдіктен. 

Еске салсақ, осыған дейін Алматыда жүк көлігі тоқтаған жол опырылып кеткені хабарланған.