Tarlan Astana іске қосылғалы бері 500 млн теңгеден астам табыс тапты

Фото: Ашық дереккөз

Бірінші кредиттік бюроның мәліметінше, жүйе іске қосылған сәттен бастап маусым айының соңына дейінгі аралықта Астана LRT-сындағы жалпы жолаушылар саны 3,2 млн адамды құраса, жалпы түскен табыс 500 млн теңгеден асқан.

LRT-ның атауы Tarlan Astana болып өзгерді: Әкім тиісті қаулыға қол қойды

Маусым айында жолаушылар LRT қызметін 2,1 млн рет пайдаланған. Ал Алматы метросы 2,4 млн жолаушыға қызмет көрсеткен. Жолаушылар айналымы Астанада – 46,5 млн, ал Алматыда – 34,9 млн. «Tarlan Astana» желісінің ұзындығы 22,4 шақырым болса, Алматы метросының ұзындығы 13,4 шақырымды құрайды.

LRT іске қосылғалы бері 3,1 миллионнан астам жолаушы тасымалданды

«Tarlan Astana» желісінің ұзындығы Алматы метросымен салыстырғанда 9 шақырымға ұзын. Сарапшылардың пікірінше,Астана LRT-сының жолаушылар айналымының жоғары болуы бағыттың ұзындығымен тікелей байланысты.

Еске сала кетейік, LRT жүйесі 16 мамырдан бастап іске қосылды.