Алматыда есірткі дүкені ісі бойынша 11 адам ұсталды

Алматы қаласы мен Алматы облысында есірткі дүкенінің ісі бойынша 11 адам ұсталды, деп хабарлайды Ішкі істер министрлігінің баспасөз қызметі.

«Есірткі қылмысына қарсы іс-қимыл комитеті Алматы қаласы мен Алматы облысының аумағында есірткіні жанасусыз өткізумен айналысқан интернет-есірткі дүкенінің қызметіне тосқауыл қойды. Жедел-іздестіру іс-шараларының нәтижесінде қылмыстық топтың 11 қатысушысы, оның ішінде ұйымдастырушылар, операторлар және заңсыз қызметті қаржылай сүйемелдеуді қамтамасыз еткен адамдар ұсталды», - делінген жұмадағы хабарламада.

Ведомство мәліметінше, «заңсыз айналымнан 3 келіге жуық синтетикалық есірткі, сондай-ақ қылмыстық схеманы үйлестіру үшін пайдаланылған байланыс құралдары, банктік карталар мен цифрлық тасымалдаушылар тәркіленді».

«Сотқа дейінгі тергеу басталды», - деп толықтырды ІІМ.