Андрей Кукушкин: Алматы тау кластерінің экономикаға қызмет ететін кезі келді

Фото: wikipedia, Теріскей Алатауы

Тау курорттары альянсының өкілі Андрей Кукушкин жобаның белсенді қолдаушысы ретінде команда 2014 жылдан бастап экологиялық мәселелерді басты назарға қойғанын мәлімдеді. Оның айтуынша, таулы аймағы бар Бішкектің өзі қала аумағына жақын жерде Алматыда жоспарланып отырғандай ауқымды экономикалық жүйе қалыптастыра алған жоқ.

Сондай-ақ ол курорт құрылысы халықтың әл-ауқатына оң әсер ететінін атап өтті. Жоба жастардың базарда немесе біліктілікті қажет етпейтін жұмыстарда емес, жоғары технологиялық салада еңбек етуіне мүмкіндік береді.

Аида Балаева: Almaty Superski таудағы туризмді дамытудың үлгісіне айналуға тиіс

Ал Қазақстандағы алғашқы сноубордшы Сергей Спицынның айтуынша, қазір шетелдік қонақтардың алдында ұялатындай жағдай жоқ. Оның сөзінше, Көкжайлау – әлемдегі ең әділетсіз бағаланған курорттардың бірі. Өзі туралы айта келе, ол бұл тау кластерінің ең үлкен қолдаушыларының бірі екенін, тек барлық жұмыс қолданыстағы заңнама аясында жүргізілуі керек екенін айтты.

«Біз Швейцариядағыдай ұзындығы 10 шақырым болатын тау соқпағын салып, оны қалаға сыйлағымыз келеді», деді ол сноубордшылар қауымдастығы атынан.

Мұхтар Тайжан: «Almaty Superski» жобасы 20 мыңға дейін жұмыс орнын ашуы мүмкін

Алматы тау кластерін дамытуға арналған қоғамдық тыңдауда қауіпсіздік мәселелері кәсіби деңгейде пысықталып жатқаны айтылды.

ҚазНИСА өкілі беткейлерді бекіту, топырақты қорғау және өзге де қауіпсіздікке қатысты мәселелер жан-жақты сараланып, мұқият ескеріліп жатқанын жеткізді. Бұл пікір Көкжайлау тау-шаңғы курорты жобасына қатысты талқылау барысында қойылған сұраққа жауап ретінде айтылды.

Almaty Superski: Көкжайлауда қауіпсіздік қалай қамтамасыз етіледі?

Алматы тау кластерін дамытуға арналған қоғамдық тыңдауда тарихи және археологиялық ескерткіштердің құндылығы ескерілетіні айтылды.

Отандық ғалымдармен өзара іс-қимыл мәселесіне тоқталған Kazakh Tourism Dev. LTD компаниясының бас атқарушы директоры Ержан Еркінбаев сәулетшілердің ұстанымдары профильдік институтпен бірлесіп талқыланғанын мәлімдеді.

Спикердің айтуынша, Көкжайлау аумағында ресми тіркелген сәулет ескерткіштері жоқ. Сонымен қатар аумақта 123 археологиялық нысан анықталған. Оның 46-сы сақталады, ал қалғандары бойынша музейлендіру жұмыстары жүргізіледі.

Ержан Еркінбаевтың сөзінше, бұл туристер ағынын арттыруға да жаңа мүмкіндік береді.