Атыраудағы субұрқақтарды жазға дайындауға 332,4 млн теңге бөлінді

Атырау қаласында гидротехникалық нысандарды жазғы маусымға әзірлеу жұмыстары басталды.

Қала әкімдігінің дерегінше, облыс орталығында 45 субұрқақ бар және олардың барлығы жұмыс істеп тұр.

2026 жылғы маусымдық қызмет көрсетуге бюджеттен 332,4 млн теңге қарастырылған. Тиісті тендерде жеңімпаз болып жеке кәсіпкер «Ibrohim» анықталды.

Мердігердің міндетіне субұрқақты сумен толтыру, ай сайын суды ауыстыру, тазалау және шаю, сорғылар мен құбырларды күтіп ұстау, керамикалық жабындарды жөндеу, химиялық реагенттер қосу, сондай-ақ аумақты жинау және басқа да жұмыстар кіреді.

Субұрқақты іске қосу маусым айына жоспарланған.

Лев ГУЗИКОВ

Бүгін, 11:17