Қаржы саласындағы қауіпсіздік

Қазақстан қаржы қызметтерін цифрландыру бойынша әлемдік 10 көшбасшы елдің қатарында.

Бұл туралы Алматыда ұлттық валюта күніне орай өткен Қаржыгерлер конгресінде айтылды. Сарапшылар банк саласындағы бірыңғай QR-код төлем жүйесінің тиімділігін, мемлекеттік бақылау мен цифрландыруды одан әрі дамытуды талқылады. Halyk Bank-тің басқарма төрағасы Үміт Шаяхметова саланың даму бағыттары туралы өз ойын ортаға салды.

Елімізде қаржы саласын цифрландыру және жасанды интеллект игілігін қолдану бойынша ірі банктер көш бастап тұр. Halyk Bank-тің басқарма төрағасы Үміт Шаяхметованың айтуынша, қаржы институттары тек несие берумен шектелмей, жаңа цифрлық сервистерді дамытып келеді. Сонымен қатар банктік платформалардың ашықтығы да нарықтың дамуына ықпал еткен. Қаржыгер осы бағыттағы тепе-теңдікті сақтаудың маңызды екенін атап өтті.

Үміт Шаяхметова, Halyk Bank басқарма төрағасы:

- Банктер экономиканың ең прогрессивті саласы. Біз цифрландырудың барлық бағытында көш бастап келеміз және финтех-компанияларға да өз платформаларымыз арқылы түрлі сервистерді ұсынудамыз. Бұл салада цифрлық дамумен қатар мемлекеттік қатысу деңгейінде де баланс қажет. Бұл тепе-теңдікті сақтау өте маңызды.

Жақында бірыңғай QR-код төлем жүйесі іске қосылды. Бұл бастама еліміздегі төлем инфрақұрылымын толықтай мемлекеттік бақылауға алып, қауіпсіздікті күшейтеді. Жоба Ұлттық банктің жетекшілігімен жүзеге асқандықтан, ұлттық төлем жүйесінің тұрақтылығы мен сенімділігі арта түспек.

Үміт Шаяхметова, Halyk Bank басқарма төрағасы:

- Кейбір маңызды салалар ұлттық қауіпсіздік тұрғысынан мемлекет бақылауында болуы тиіс. Бірақ бәсекеге қабілетті yellow pages сервистері жеке секторда қалуы керек. Мемлекет тек инфрақұрылым мен қауіпсіздікті қамтамасыз еткені жөн.

Дегенмен коммерциялық салалардың дамуын тоқтатпай, ашық әрі бәсекелі нарықты сақтау қажет. Бірыңғай QR-код төлем жүйесіне Halyk Bank-те қосылды. Бұл бастама тұтынушылардың сауда-саттық жасауын анағұрлым жеңілдетеді,-дейді қаржыгерлер.  

Авторлары: Аршын Кемелжан, Кенже Амраев